Мэцью Раян
Мэцью Раян (англ.: Mathew Ryan; нар. 8 красавіка 1992, Пламптан, Аўстралія) — аўстралійскі футбаліст, брамнік нідэрландскага клуба АЗ з Алкмара і нацыянальнай зборнай Аўстраліі.
Агульная інфармацыя | |||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Поўнае імя | Мэцью Дэвід Раян | ||||||||||||||||||||||||||||||
Нарадзіўся | 8 красавіка 1992[1] (32 гады) | ||||||||||||||||||||||||||||||
Грамадзянства | Аўстралія | ||||||||||||||||||||||||||||||
Рост | 184 см | ||||||||||||||||||||||||||||||
Вага | 73 кг | ||||||||||||||||||||||||||||||
Пазіцыя | брамнік | ||||||||||||||||||||||||||||||
Інфармацыя пра клуб | |||||||||||||||||||||||||||||||
Клуб | АЗ | ||||||||||||||||||||||||||||||
Нумар | 1 | ||||||||||||||||||||||||||||||
Маладзёжныя клубы | |||||||||||||||||||||||||||||||
| |||||||||||||||||||||||||||||||
Клубная кар’ера[* 1] | |||||||||||||||||||||||||||||||
| |||||||||||||||||||||||||||||||
Нацыянальная зборная[* 2] | |||||||||||||||||||||||||||||||
| |||||||||||||||||||||||||||||||
Узнагароды і медалі | |||||||||||||||||||||||||||||||
| |||||||||||||||||||||||||||||||
Медыяфайлы на Вікісховішчы |
Клубная кар’ера
Мэцью пачаў кар’еру ў клубе «Сентрал Кост Марынерс».
30 мая 2013 года Раян перайшоў у склад бельгійскага клуба «Бругэ», аднак сума трансферу не была разгалошана. 27 ліпеня брамнік дэбютаваў у складзе новага клуба ў першым жа матчы сезона. «Бругэ» на хатнім стадыёне атрымаў перамогу над «Шарлеруа», пры гэтым Мэцью пакінуў браму без прапушчаных галоў.
Пасля шэрагу выдатных выступаў еўрапейскія гіганты, як «Ліверпул», пачалі сачыць за брамнікам[2].
21 ліпеня 2015 года «Валенсія» абвясціла аб падпісанні шасцігадовага кантракта з Раянам[3]. Аднак, Мэцью не здолеў стаць асноўным брамнікам іспанскага клуба, і ў студзені 2017 года зноў апынуўся ў Бельгіі, на правах арэнды далучыўшыся да «Генка»[4], у складзе якога адразу замацаваўся ў аснове.
16 чэрвеня 2017 года быў набыты дэбютантам англійскай Прэм’ер-лігі «Брайтанам» за рэкордную для клуба суму[5]. Стаў асноўным брамнікам каманды. У студзені 2021 года быў да канца сезона арандаваны лонданскім «Арсеналам»[6], а ў ліпені 2021 года перайшоў у «Рэал Сасьедад»[7], дзе быў рэзервовым брамнікам.
У жніўні 2022 года быў набыты «Капенгагенам», а ў студзені 2023 года перайшоў у нідэрландскі АЗ.
Міжнародная кар’ера
У 2014 годзе Раян быў уключаны ў склад нацыянальнай зборнай Аўстраліі на чэмпіянат свету, дзе правёў усе 3 матчы на групавым этапе. У 2015 годзе разам са сваёй зборнай стаў пераможцам Кубка Азіі.
Дасягненні
Клубныя
«Сентрал Кост Марынерс»:
- Чэмпіён Аўстраліі (2): 2012, 2013
«Бругэ»:
- Уладальнік Кубка Бельгіі: 2015
Міжнародныя
Аўстралія:
- Пераможца Кубка Азіі: 2015
Зноскі
Спасылкі
- На Вікісховішчы ёсць медыяфайлы па тэме Мэцью Раян