Пажар у доме састарэлых Кемерава
Увечары 23 снежня 2022 года ў Кемерава (Расія) загарэўся прыватны дом, які дзейнічаў як незаконны дом састарэлых , у выніку чаго 22 чалавекі загінулі і шасцёра атрымалі раненні[1][2].
Напярэдадні
У 2021 годзе МНС РФ прапанавала ўвесці спецыяльны рэестр для дамоў састарэлых і хоспісаў. Прычынай таму стала серыя пажараў у Санкт-Пецярбургу, Маскве, Краснагорску (Маскоўская вобласць), Ішбулдзіна (Башкартастан) і Бароўскі (Цюменская вобласць). У студзені, за 12 месяцаў да трагедыі ў Кемерава, у горадзе згарэў пансіянат «Залаты век» — чатыры чалавекі загінулі[3].
Пажар і ахвяры
Увечары 23 снежня на вуліцы Таўрычаская пачаўся пажар у прыватным сацыяльным прытулку. Ратавальнікамі ён быў кваліфікаваны як пажар падвышанай складанасці. Прычынай узгарання магла стаць няспраўная печ (у будынку было пячное ацяпленне) альбо няспраўнасць электранагравальніка або электраправодкі[4]. Да 23:15 па мясцовым часе пажар быў патушаны[5].
Першапачаткова паведамлялася пра чатырох загінулых і двух параненых. Пазней МНС паведаміла пра шэсць загінулых. ТАСС са спасылкай на экстранныя службы павялічыў колькасць ахвяр спачатку да дзевяці, а затым да 11[3]. Станам на 24 снежня пацверджана смерць 20 чалавек[6].
Наступствы
Губернатар Кемераўскай вобласці Сяргей Цывілёў паведаміў, што на наступным тыдні будуць правераны ўсе рэгіянальныя дамы састарэлых, асабліва прыватныя[7]. Следчы камітэт Расіі распачаў крымінальную справу па факце пажару ў Кемерава[8]. Па падазрэнні ў кіраванні і арганізацыі незаконнага дома састарэлых быў затрыманы евангелічны святар[7].