Распаўсюджванне COVID-19 у В’етнаме
Распаўсюджванне каранавіруса COVID-19 пачалося ў В’етнаме 23 студзеня 2020 года[1]. Па стане на 24 сакавіка ў краіне было пацверджана 134 выпадкі захворвання, з іх 17 чалавек паправіліся і ні адзін не памёр[2].
Рост колькасці пацыентаў выклікаў сур’ёзныя асцярогі. Прэм’ер-міністр Нгуен Сюань Фук распарадзіўся аб мерах па прадухіленні і супрацьдзеянні распаўсюджванню COVID-19 у В’етнаме[3], а таксама папрасіў в’етнамцаў пазбягаць наведвання раёнаў, ахопленых вірусам[4]. Намеснік міністра Сюань Туен заявіў, што ўрад разглядаў пытанне аб закрыцці мяжы з Кітаем у якасці неабходнай контрмеры[5]. 24 студзеня Упраўленне грамадзянскай авіяцыі В’етнама распарадзілася адмяніць усе рэйсы ва Ухань, дзе пачалася пандэмія, і назад[6][7].
У лютым 2020 года Міністэрства адукацыі і прафесійнай падрыхтоўкі прыпыніла ўсе школьныя мерапрыемствы па ўсёй краіне да канца сакавіка ў рамках каранцінных мер супраць распаўсюджвання віруса, а затым працягнула абмежаваннее да сярэдзіны красавіка да далейшага паведамлення[8]. Таксама ўведзены 14-дзённы каранцін і абмежаванні мерапрыемстваў на свежым паветры (некаторыя крыніцы лічаць, што на каранцін праводзілася больш за 20—40 дзён)[9]. Узброеныя сілы В’етнама прымалі ўдзел у патруляванні вуліц для кантролю за каранцінам[10].
Таксама распаўсюдзіліся чуткі аб тым, што грамадзяне Кітая беглі ў В’етнам з Гуансі з відэа, якое выклікала грамадскую рэакцыю аб тым, што грамадзяне Кітая могуць пазбегнуць ўспышкі хваробы. Пазней ўрады В’етнама і Кітая адмаўлялі гэта. Агенцтва Франс Прэс асудзіла зняты матэрыял як фальшыўку[11].
Паведамлялася, што грамадзяне Паўднёвай Карэі праходзілі скрынінг у сувязі з успышкай COVID-19 у Паўднёвай Карэі, якая мае шырокія гандлёвыя адносіны з В’етнамам[12][13].
Станам на 27 лютага 2022 года ў краіне было пацверджана 3,32 млн выпадкаў захворвання, з іх 2,41 млн чалавек ачунялі і 40144 загінулі[14].