Салезіяне
Салезіяне Дона Боска (лац.: Societas Sancti Francisci Salesii, SDB) — мужчынская рымска-каталіцкая законная супольнасць, якая прысвячае сябе апостальскай і місійнай працы, перад усім службе на карысць моладзі, асабліва беднай і пакінутай. Працуюць у пастаральных і выхаваўчых установах, такіх як школы, прафесійныя навучальныя і выхаваўчыя установы, араторыі, моладзевыя цэнтры, цэнтры пакліканняў, выдавецтвы і інш.
| Поўная назва | Таварыства Св. Францыска Сальскага |
|---|---|
| Лацінская назва | Societas Sancti Francisci Salesii |
| Скарачэнне | SDB |
| Царква | каталіцтва |
| Дэвіз | Da mihi Animas cætera tolle («Дай мне душы, забяры рэшту») |
| Заснавальнік | Ян Боска |
| Дата заснавання | 1859 |
| Колькасць удзельнікаў | 15952 (2010) |
Гісторыя
Заснаваныя ў Італіі ў 1859 годзе святым Янам Боска, які ўсё сваё жыццё прысвяціў працы для дабра маладых людзей, выхоўваючы з іх сумленных грамадзян і добрых хрысціян. Ён арганізаваў для іх араторыі (месцы вучобы, гульні, малітвы і працы), а таксама школы, якія давалі магчымасць атрымаць прафесію і вучыцца далей. Са сваіх выхаванцаў Ян Боска заснаваў Таварыства Св. Францыска Сальскага, члены якога пакліканы працягваць справу Айца.
Салезіяне ў Беларусі
На сучасную тэрыторыю Беларусі салезіяне прыехалі каля 1920 года і працавалі ў мястэчку Дварэц (Гродзенская вобласць), дзе адкрылі цяслярскую школу.
Зараз на тэрыторыі Беларусі працуе 11 салезіянаў. Асноўныя цэнтры знаходзяцца ў Мінску і Смаргоні. Таксама салезіяне працуюць у Багданаве, Барунах, Бараўлянах, Дзятлаве, Жупранах[1][2].
Наступнікі Дона Боска
- Анхель Фернандэс Артымэ (з 2014)