Табакерка
Інструменты
Агульныя
Друк/экспарт
У іншых праектах
Табакерка (ад фр.: tabatière) — невялікая скрыначка, якая закрываецца вечкам. Выкарыстоўваецца для захоўвання нюхальнага тытуню. Можа быць з адным або з некалькімі аддзяленнямі для захоўвання тытуню розных сартоў.
Табакеркі вырабляюцца з металу, дрэва, фарфору, крышталю, бурштыну, слановай косці і іншых матэрыялаў.
Цяжкая залатая табакерка стала адным з прадметаў, ужытых для забойства расійскага імператара Паўла Ⅰ[ru] у 1801 годзе. Гвардзейцы, якія ўдзельнічалі ў змове, нанеслі ўладару ўдар прадметам у скронь, а затым дадушылі шалікам. Больш за стагоддзе сапраўдныя абставіны смерці імператара хаваліся, а афіцыйнай версіяй быў «апаплексічны ўдар» (інсульт). Ад гэтага гістарычнага эпізоду ў выніку з'явіўся іранічны выраз «апаплексічны ўдар табакеркай у скронь».