Фарынгіт
Фарынгіт (лац.: Pharyngitis) — запаленне слізістай абалонкі і лімфоіднай тканкі глоткі.
| Фарынгіт | |
|---|---|
 | |
| МКХ-10 | J02., J31.2 |
| МКБ-10-КМ | J02 і J02.9 |
| МКХ-9 | 462, 472.1 |
| МКБ-9-КМ | 462[1][2], 472[1][2] і 478.20[1][2] |
| DiseasesDB | 24580 |
| MedlinePlus | 000655 |
| eMedicine | emerg/419 |
| MeSH | D010612 |
 Медыяфайлы на Вікісховішчы | |
Прычыны фарынгіту
Асноўная прычына фарынгіту — гэта ўдыханне халоднага ці забруджанага паветра, уплыў хімічных раздражненняў (спірт, тытунь). Інфекцыйны фарынгіт можа быць справакаваны рознымі мікраарганізмамі (стрэпта-, стафа-, пнеўмакокі), а таксама вірусамі (грып, адэнавірусы) і грыбамі роду Кандыда. Нярэдка фарынгіт развіваецца з прычыны распаўсюджвання інфекцыі за межы цэнтру запалення, прылеглага да глоткі (сінусіт, рыніт, карыес).
Класіфікацыя фарынгіту
Адрозніваюць востры і хранічны фарынгіт.
Востры фарынгіт развіваецца непасрэдна пасля ўздзеяння на слізістую абалонку глоткі агрэсіўнага фактару (інфекцыі, раздражняльны газ і інш.) Цячэнне вострага фарынгіту спрыяльнае.
Хранічны фарынгіт можа быць наступствам недалечанага вострага фарынгіту, а таксама самастойным захворваннем, якое ўзнікае пры працяглым раздражненні слізістай абалонкі глоткі. У развіцці хранічнага фарынгіту адзначаюцца фазы абвастрэння і рэмісіі.
Літаратура
- Беларуская энцыклапедыя: У 18 т. Т. 16: Трыпалі — Хвіліна / Рэдкал.: Г. П. Пашкоў і інш. — Мн. : БелЭн, 2003. — Т. 16. — 576 с. — 10 000 экз. — ISBN 985-11-0035-8. — ISBN 985-11-0263-6 (т. 16).