Цюр
Цюр, Цір або Тыу (Týr, таксама Ziu) — у германа-скандынаўскай міфалогіі, аднарукі бог вайсковай доблесці. З асаў, сын Одзіна і веліканкі, сястры Гіміра.
| Цюр | |
|---|---|
| Týr | |
 Цюр і Фенрыр | |
| Бог вайсковай доблесці | |
| Міфалогія | Германа-скандынаўская міфалогія |
| Сфера ўплыву | вайна[1] і лравасуддзе[d][1] |
| Пол | мужчынскі пол[1] |
| Бацька | Одзін |
| Брат | Тор, Бальдр, Хёд, Хермод, Валі, Відар |
 Медыяфайлы на Вікісховішчы | |
Цюр пазбавіўся рукі, калі асы вырашылі скаваць велізарнага ваўка Фенрыра чарадзейным ланцугом. Па адной з версій, Цюр уклаў сваю руку ў пашчу Фенрыра ў знак адсутнасці благіх намераў. Калі воўк не змог вызваліцца, ён адкусіў руку Цюра. У адпаведнасці з эсхаталагічнымі міфамі вікінгаў, у дзень Рагнарок Цюр будзе ваяваць з жахлівым сабакам Гармам, і яны заб’юць адзін аднаго.
Імя Тыу даследчыкі суадносяць з рэканструяваным імем агульнаіндаеўрапейскага вярхоўнага бога, валадара нябёсаў (*Dyeus, пар. Зеўс, Дзьяус, Дэва, лац. Deus «бог»). Мяркуецца, што Тыу быў выцеснены з гэтай іпастасі Одзінам[2].