Ян Эдвард Ваньковіч
Ян Э́двард Ванько́віч (польск.: Jan Edward Wańkowicz, руск.: Ян Эдвард Ванькович; 23 кастрычніка 1834[1], маёнтак Малая Сляпянка, Мінскі павет, цяпер Мінскі раён — 2 жніўня 1899, Кракаў) — адзін з кіраўнікоў паўстання 1863—1864 гадоў у Берасцейскім павеце[2]. Сын Валянціна Ваньковіча[2].
| Ян Эдвард Ваньковіч | |
|---|---|
| польск.: Jan Edward Wańkowicz, руск.: Ян Эдвард Ванькович | |
.jpg) | |
 Герб «Ліс» | |
| Нараджэнне | 23 кастрычніка 1834 |
| Смерць | 2 жніўня 1899 (64 гады)
|
| Месца пахавання | |
| Род | Ваньковічы |
| Бацька | Валянцін Ваньковіч |
| Маці | Анэля з Растоцкіх |
| Жонка | Станіслава Ясклоўская |
| Адукацыя | |
| Ваенная служба | |
| Званне | камандзір паўстанцкага атраду |
| Камандаваў | паўстанцкім атрадам |
| Бітвы | Паўстанне 1863—1864 гадоў |
Біяграфія
.jpg)
Сын Валянціна Ваньковіча і Анэлі з Растоцкіх. Па смерці бацькі атрымаў у спадчыну маёнтак Малая Сляпянка.
Скончыў Лясны інстытут у Пецярбургу (1860), працаваў ляснічым у Екацярынаслаўскай губерні, потым надляснічым у Белавежы[2].
З 1861 года ў гродзенскай рэвалюцыйнай арганізацыі[2].
Браў удзел у паўстанні 1863—1864 гадоў: змагаўся ў аддзеле Стасякевіча, ад мая ўзначаліў гэты аддзел. Пасля дзейнічаў на Падляшшы, узначальваў берасцейскі і кобрынскі паўстанцкія аддзелы. Удзельнічаў таксама ў паходзе генерала Юзафа Высоцкага.
Па паразе аддзелу пераехаў з дапамогай Э. Ажэшкі ў Галіччыну[2], касір Галіцыйскага банка.
За ўдзел у паўстанні маёнтак Малая Сляпянка быў канфіскаваны царскімі ўладамі. Ян Эдвард быў арыштаваны аўстрыйскімі ўладамі, але здолеў уцячы і да 1869 перабываў на эміграцыі[2][2][3]. Вярнуўся ў Кракаў, дзе і памёр.
Пахаваны на Ракавіцкіх могілках у Кракаве[4].
Быў жанаты са Станіславай Ясклоўскай.
Зноскі
Літаратура
- Ваньковіч Ян (Ян Эдвард) Валенцьевіч // 506 // Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3. — 511 с. — 10 000 экз. — ISBN 985-11-0035-8. — ISBN 985-11-0068-4 (т. 3).
- Ваньковіч Ян Эдвард // Памяць: Гіст.-дакум. хроніка Мінска. У 4 кн. Кн. 2-я. — Мн.: БЕЛТА, 2002. — С. 89. — 714 с.: іл. — ISBN 985-6302-46-3.