Hillary Clinton
Gwleidydd Americanaidd yw Hillary Diane Rodham Clinton (ganed 26 Hydref 1947), hefyd gwraig Arlywydd Bill Clinton; a bu'n Brif Foneddiges yr Unol Daleithiau yn ystod arlywyddiaeth ei gŵr (1993 - 2001) Hi oedd 67ain Ysgrifennydd Gwladol yr Unol Daleithiau o 2009 hyd 2013 a Seneddwr o Efrog Newydd o 2001 hyd 2009. Roedd hi'n un o ymgeiswyr arlywyddol y Blaid Ddemocrataidd yn 2008 ond enillodd Barack Obama yr enwebiad. Collodd hefyd yn Etholiad 2016, pan gipiodd Donald Trump yr arlywyddiaeth.
| Hillary Clinton | |
 | |
| Cyfnod yn y swydd 21 Ionawr 2009 – 1 Chwefror 2013 | |
| Dirprwy | James Steinberg William Joseph Burns |
|---|---|
| Arlywydd | Barack Obama |
| Rhagflaenydd | Condoleezza Rice |
| Olynydd | John Kerry |
| Cyfnod yn y swydd 3 Ionawr 2001 – 21 Ionawr 2009 | |
| Rhagflaenydd | Daniel Patrick Moynihan |
| Olynydd | Kirsten Gillibrand |
| Cyfnod yn y swydd 20 Ionawr 1993 – 20 Ionawr 2001 | |
| Arlywydd | Bill Clinton |
| Rhagflaenydd | Barbara Bush |
| Olynydd | Laura Bush |
| Geni | 26 Hydref 1947 Chicago, Illinois, UDA |
| Plaid wleidyddol | Plaid Ddemocrataidd |
| Priod | Bill Clinton |
| Plant | Chelsea Clinton |
| Llofnod |  |
Personol
Fe'i ganed yn Chicago a'i magu ym mwrdeistref Park Ridge, Illinois, ble astudiodd y gyfraith yng Ngholeg Wellesley, gan raddio yn 1969. Derbyniodd radd arall yn Ysgol y Gyfraith, yng Ngholeg Iâl yn 1973. Bu'n gwnsel am ychydig cyn priodi Bill Clinton yn 1975. Roedd ei thad, Hugh Ellsworth Rodham (1911–1993) o dras Cymreig a Saesnig[1] a weithiai fel rheolwr yn y diwydiant tecstilau,[2] a'i mam Dorothy Howell Rodham (1919–2011), o dras Albanaidd, Cymreig, Seisnig, Canadaidd ac Iseldiraidd.[1][3]
Ymgeisydd am Arlywyddiaeth 2016
Yng Ngorffennaf 2016 fe'i henwebwyd gan y Blaid Ddemocrataidd fel eu ymgeisydd ar gyfer yr arlywyddiaeth yn Etholiad arlywyddol yr Unol Daleithiau, 2016, y fenyw gyntaf i'w enwebu gan unrhyw brif blaid yn yr U.D.A. Cododd sawl honiad o dwyll a cham-weithredu yn ei herbyn, nid yn unig gan ei gwrthwynebydd Donald Trump yn y ras am yr Arlywyddiaeth, ond ychydig ddyddiau cyn yr etholiad - gan yr FBI. Roedd y prif honiadau'n ymwneud â nifer o ebyst a oedd wedi'u dileu. Trump a orfu, yn groes i'r polau piniwn.
Dolenni Allanol
- (Saesneg) Gwefan swyddogol Archifwyd 2013-02-10 yn y Peiriant Wayback.
| Rhagflaenydd: Barbara Bush | Prif Foneddiges yr Unol Daleithiau 1993 – 2001 | Olynydd: Laura Bush |
| Cyngres yr Unol Daleithiau | ||
|---|---|---|
| Rhagflaenydd: Daniel Patrick Moynihan | Seneddwr dros Efrog Newydd gyda Charles Schumer 2001 – 2009 | Olynydd: Kirsten Gillibrand |
| Swyddi gwleidyddol | ||
| Rhagflaenydd: Condoleezza Rice | Ysgrifennydd Gwladol yr Unol Daleithiau 2009 – 2013 | Olynydd: John Kerry |
