Batumi

Batumi^[1] - kartvele ბათუმი [Batumi], pri teorie imagebla esperantlingva formo Batumo ĝis nun mankas ĉia referenco pri uzo en la esperantlingva literaturo kaj gazetaro - estas ĉemara kuracloko en sudokcidento de Kartvelio, ĉefurbo de Aĝario, granda haveno kaj komercocentro. Ĝi estas ankaŭ la finstacio de la Trans-Kaŭkazia Fervojo kaj de la Krimea-Kaŭkazia Marvojo. Laŭ la stato de 2020 en la urbo vivis 169 095 loĝantoj sur areo de 64,9 kvadrataj kilometroj, kio en 2020 rezultigis loĝdenson de 2 605 loĝantoj/km². Ĝi situas 20 km de turka ŝtatlimo en subtropika zono, kie abundas citrusaj kaj teaj plantejoj. Industrio: petrolorafineja, ŝipkonstrua, nutrada kaj malpeza.

Batumi
kartvele ბათუმი
urbo
Flago Blazono
Oficiala nomo: ბათუმი
Lando	Kartvelio
Regiono	Aĝario
Historiaj regionoj	Osmanida Imperio, TFSSR, Kartvela SSR
Montaro	Kaŭkazo
Fervojo	Trans-Kaŭkazia Fervojo
Maro	Nigra Maro
Situo	Batumi
- alteco	0 m s. m.
- koordinatoj	41° 38′ 45″ N 41° 38′ 30″ O / 41.64583 °N, 41.64167 °O / 41.64583; 41.64167 (mapo)
Plej alta punkto
- alteco	3 m s. m.
Areo	64,9 km² (6 490 ha)
Loĝantaro	152 839 (2014)
Denseco	2 354,99 loĝ./km²
Urbestro	Robert Ĉĥaidze
Horzono	UTC (UTC+4)
Poŝtkodo	6010
Telefona antaŭkodo	+995 422
Situo enkadre de Kartvelio
Situo rilate al Nigra Maro
Situo enkadre de Azio
Vikimedia Komunejo: ბათუმი
Retpaĝo: www.batumi.ge

Ejo de la antikva Greka kolonio de Batis. La urbo estas konata de la 11-a jarcento kiel fortikaĵo. En Mezepoko apartenis al Kartvelio, de la 16-a jarcento sub turka regado, de 1878 sub la rusa.

En la urbo estas sanktejoj por multaj religioj: ortodoksa kaj katolika kristanismo, islamo kaj judismo, aliaj vidindaĵoj estas Aĝaria muzeo, botanika ĝardeno, delfinario, cirko kaj belega Riviero (ripoza komplekso ĉe la bordo de la Nigra maro).