Mondaj Ludoj de 2013
La Mondaj Ludoj de 2013 estis plur-sporta evento kiu okazis inter la 25-a de julio kaj la 4-a de aŭgusto 2013 en la urbo de Kalio, Kolombio. Tiu ĉi estis la unua fojo en kiu la ludoj okazos en latinoamerika urbo[2][3][4]. Originale, la urboj elektitaj por gastigi la eventon estis la germanaj urboj de Duisburgo kaj Duseldorfo, sed pro la ekonomia krizo de 2009 la urboj ne atingis la sufiĉan monon por okazigi la eventon kaj pro tio rezignis siajn organizantajn rajton, do la honoro organizi la eventon estis transdonita al Kalio.
| Mondaj ludoj | |
|---|---|
| Moto | Honesta ludado al la planedo |
| Loko |  Kalio,  Kolombio |
| Partoprenantaj landoj | 98[1] |
| sportistoj | 2929 [1] |
| Inaŭgura cememonio | la 25-an de julio 2013 |
| Ferma ceremonio | la 4-an de aŭgusto 2013 |
| Pasinta evento | 8-aj mondaj ludoj ĉe Kaoŝiung,  |
| Venonta evento | 10-aj mondaj ludoj ĉe Vroclavo,  Pollando |
Pli ol 2500 sportistoj el 120 landoj konkuros je 31 sportoj kiuj estas agnoskitaj de la Internacia Olimpika Komitato sed ne partoprenas en la Olimpiaj ludoj,[5][6] kaj aliaj 5 invititaj sportoj.[7], La organizaĵo kiu aranĝas la ludojn estas la Internacia Asocio de la Mondaj Ludoj (IWGA). Tiu ĉi estis la lasta partopreno de Rugbeo 7 en la Mondaj Ludoj ĉar ekde 2016 ĝi partoprenos en la Olimpikoj de Rio-de-Ĵanejro.[8].
La inaŭgura ceremonio okazis la 25-an de julio 2013 je la 19-a horo (GMT -5) kune kun la festo pro la 477-a datreveno de la fondado de la urbo.[9]
Por la ludoj la Kolombia registaro investis USD 59 milionoj kaj la organizaĵo kiu administris la monon estis Coldeportes,[10] publika organizaĵo pri sportoj de Kolombio. La plej multo de la mono estis investita en sportejoj. Al tiu kapitalo oni aldonis investon el privataj entreprenoj.[11]
Pro la granda sporta historio de Kalio, la investo estis plejparte uzata por riparado kaj plibonigo de jam ekzistantaj sportejoj kaj konstruaĵoj. Sed ankaŭ la mono estis uzita por la la konstruadon de Hokeo-stadiono, grimpada muro, kaj softbala kampo.[12] Oni atingis ke la futsalo estu inkludita en la ludoj kiel invitita sporto danke al la agado de la Kolombia Federacio de Futsalo.[13]
Danke al la granda sukceso de la evento, la federacioj el sporta danco, bilardo, hokeo, softbalo kaj Rakedopilkado, esprimis siajn dezirojn por ke la urbo okazigu sportajn internaciajn eventojn pri tiuj sportoj.[14]
Elektado
En junio 2008 la IWGA decidis ke la germanaj urboj Duisburgo kaj Duseldorfo estos la sidejoj de la Mondaj Ludoj de 2013.[15][16] Sed, 4 monatoj poste, Duisburgo rezignis pri sia elekto pro ekonomikaj kialoj, kaj Duseldorfo nepre devis agi same. Tio devigis al IWGA elekti novan sidejon por la evento.[17]
La IWGA ricevis la kandidatiĝon ne-oficialan el 7 urboj: 
Cancún, 
Kalio, 
Johanesburgo, 
Moskvo, 
Nagoja, 
Recife kaj Sankt-Peterburgo. En majo 2009, IWGA nur ricevis la oficialan kandidatiĝon de tri urboj: Cali, Johannesburgo kaj Sankt-Peterburgo. Je la fino de tiu jaro la IWGA faris la elektadon.
Je la unua voĉdonado, neniu urbo atingis la plejmulton da voĉdonoj, je la dua voĉdonado Sankt-Peterburgo estis eliminita. Dum la tria kaj fina voĉdonado, Kalio venkis al Johannesburgo per 66 voĉdonoj kontraŭ 32.[18]
| Rezultoj de la voĉdonadoj | ||||||
|---|---|---|---|---|---|---|
| Urbo | Lando | 1-a voĉdonado | 2-a voĉdonado | 3-a voĉdonado | ||
| | Kalio | Kolombio | 26 | 46 | 66 | |
| | Johannesburgo | Sud-Afriko | 28 | 29 | 32 | |
| | Sankt-Peterburgo | Rusio | 22 | 20 | - | |
| Voĉdonoj | - | - | 76 | 95 | 98 | |
Organizado
La Komitato pri Loka Organizado de Kalio (CLOC), kiu estas membro de la IWGA, aranĝis la 9-an version de la Mondaj Ludoj kune kun la Nacia Organizanta Komitato.[19][20] La CLOC kaj la Nacia Komitato Organizanta estis responsuloj pri serĉi la fondusojn kaj aranĝi la eventon. La Prezidante de CLOC estis S-ro Rodrigo OTOYA kaj la Prezidanto de la Nacia Organizanta Komitato estis Andrés BOTERO.
Sidejoj
Por la organizado de la Mondaj Ludoj 2013, oni bezonis investi pri la konstruado de novaj sportejoj por hokeo, softbalo, kajako, stranda manpilkado kaj la "coliseo mundialista". Krome, oni devis ripari 14 sportejojn, kiuj estis inaŭguritaj la 22-an de julio 2013.[21]
Sportejoj
La jena estas listo de la sportejoj kaj la sportoj kiujn ili gastigis.
Sportejaro Alberto Galindo
- Bilarda Koloseo - Bilardo
- Kegloluda Koloseo - Kegloludo
- Koloseo "El Pueblo" - Akrobata gimnastiko, Aerobia gimnastiko, Ritma gimnastiko, Trampolina gimnastiko
- Ektera parto de la Velodromo - Grimpado
- Sketejo - Arkpafado, Sketado, Rapid-sketado
- Velodromo "Alcides Nieto" - Arta sketado
Sportejaro Jaime Aparicio
- Hokea Koloseo - Radhokeo
- Koloseo de Tejo [Teĥo] - Boĉo
- Koloseo "Mundialista" - Korfpilkado
- Diamante de Softball - Softbalo
- Piscinas "Hernando Botero" - Poloo en kajako, Naĝado kun naĝiloj, Akvo-savado
Sportejaro San Fernando
Aliaj Sportejoj
La jena estas listoj de lokoj kiuj ne estas sportejoj sed kiuj estis adaptitaj por gastigi kelkajn sportojn dum la Mondaj Ludoj.
- Base Aérea "Marco Fidel Suárez" - Aerosportoj
- Montetoj el la kvartalo "San Antonio" - Arkpafado
- Koloseo "Mariano Ramos" - Powerlifting, Sumoo
- Universitato de la Valo, Koloseo "Alberto León Betancourt" - Ŝnurtira lukto
- Parque de la Caña - Arkpafado
- Parque del Ingenio - Duatlono, Orientiĝado
- Plaza de Toros de Cañaveralejo - Sporta danco, Stranda manpilkado
- Naĝejo "Alberto Galindo" - Ne por konkurado sed por trajnado.
Ekster-urbaj sportejoj
- Klubo "Cañasgordas" - Rakedopilkado, Skvaŝo
- Klubo de la Departemento - Orientiĝado
- Klubo "Los Andes" - Akvo-skiado, Maratono en Kajako
- Comfenalco Valle del Lili - Fistball
- Ekoparko pri la Sano - Orientiĝado
- Koloseo "Mayor" - Futsalo, Kudo en la urbo Bugo, du horoj for de Kalio.
- Koloseo "Alfaguara" - Manpilkado en la urbo Jamundí, duonhoro for de Kalio (ne partoprenis de la Mondaj Ludoj kiel invitita ludo).
- Stadiono "El Cacique" - Hapkido en la urbo Jamundí.
Hokea Koloseo
Sportejaro Alberto Galindo
Naĝejo Hernando Botero O'Byrne
Koloseo El Pueblo
Softbala kampo
Kulturo
Pluraj programoj ekster-eventaj okazis dum la Mondaj Ludoj, inter kiuj estas:[22]:
- Internacia festivalo de salso 2013.
- Festo de la Atletoj; kie okazis grande elmontraĵo de dancoj kiel baleto kaj salso.
- Kursoj de dancado; kiuj okazis en pluraj lokoj de la urbo kaj estis oni instruis dancojn araban, salsan, boleran, ktp.
- Filma ciklo omaĝe al la Mondaj Ludoj ĉe la muzeo "La Tertulia"
- Filma ciklo "Delirio en el deporte" ("Deliro en la sporto"), projektita en la Departementa Biblioteko.
- Klasoj de pentrado en la Kultura Centro de Kalio.
- Pluraj teatraĵoj en malsamaj teatroj de la urbo.
Inaŭgura ceremonio
La inaŭgura ceremonio okazis la 25-a de julio 2013, en ĝi okazis parado de la delegitaroj el la partoprenantaj landoj kaj la prelegoj de la Prezidanto de la IWGA kaj de la vicprezidanto de Kolombio, s-ro Angelino GARZÓN, poste okazis arta prezentado kies nomo estis "Metamorfósis". La ceremonio finiĝis per danca elmontraĵo kaj artfajraĵoj.
Ferma ceremonio
La ferma ceremonio okazis la 4-a de aŭgusto kaj ĝin partoprenis 4 internaciaj artistoj el Kolombio, inter ili elstaras Carlos Vives. Ankaŭ la prezidanto de la IWGA kaj la urbestro de Vroclavo deklamis.
Evento
Partoprenantoj
Por Mondaj Ludoj de 2013 oni kalkulas kun la partopreno de pli ol 100 landoj el ĉiuj la kontinentoj, la loka delegitaro estas tiu kun pli granda nombro da sportistoj konkurantaj (pli ol 200 sportistoj). La jena estas listo de la partoprenantaj landoj kaj inter krampoj aperas la nombro da sportistoj el tiuj landoj kiujn partoprenas de la Mondaj Ludoj 2013.
Sportoj
La jenaj estas la konkureblaj sportoj dum la 9-aj Mondaj ludoj:[24]
KalendaroLa jena estas la kalendaro de la eventoj sportaj kiuj estis realigitaj dum la Mondaj Ludoj Kalio 2013 (GMT -5).
Medaltabelo  Pli detalaj informoj troveblas en artikolo Medaltabelo de la Mondaj Ludoj de 2013.La medaltabelo de la Mondaj Ludoj de 2013 montras ĉiujn medalojn donitajn al la sportistoj kiuj sukcesis havigi al si medalon en la sportaj konkuradoj de tiu evento, kiu okazis inter la 25-a de julio kaj la 4-a de aŭgusto 2013 en Kalio, Kolombio. La rango kalkuliĝas unuavice laŭ la nombro de gajnitaj oraj medaloj po ŝtato, kaze de egaliĝo la rango kalkuliĝas duavice laŭ la nombro de arĝentaj kaj triavice de bronzaj medaloj, Se pli ol unu ŝtato havas identan nombron de olimpikaj medaloj, ili havas la saman rangon kaj listiĝas alfabete. Tio respegulas la sistemon uzatan de la Internacia Olimpika Komitato. Ĝenerala medaltabelo(post ĉiuj 176 disciplinoj) ___ Organizanta lando
Diskonigado Dum la Somera Olimpiko 2012 kaj la 10-a SportAccord-konvencio en Kebekio la organizanta komitato de la Mondaj ludoj diskonigis la eventon,[12]; la Kolombia Olimpika Komitato ebligis lokon por diskonigi la eventon per la projekto "El rincón de Colombia" ("La angulo de Kolombio"), situinta apud la olimpika vilaĝo.[25] Televida elsendadoLa viva elsendo de la evento sporta estis elsendita de la kolombia televid-kanalo Señal Colombia kaj estis elsendita al pli ol 150 landoj. La tutaj televid-kanaloj kiuj elsendis la eventon estis:
MerkatikoEmblemo kaj simboloj La emblemo uzas kiel simbolo grandan cel-rubandon kun la olimpikaj koloroj. Ĝi reprezentas la sporta fiereco el ĉiuj la konkuradoj, kaj stimulas la diverseco pri sportoj en la mondo.[26] La moto de la Mondaj Ludoj 2013 estas «Honesta ludado al la planedo!» (hispane: «¡Juego limpio al planeta!'». La organizanta loka komitato estis speciale atenta pri la natura medio en ĉiuj ĝiaj agoj. Antaŭ la ludoj en la urbo okazis granda kampanjo por purigi la stratojn urbajn, domojn kaj konstruaĵojn, kaj dum la evento en ĉiu sportejo estis grupo da purigistoj por purigi ilin.[27] MaskotoLa prezentado oficiala de la maskoto okazis la 20-a de februaro 2013, dum la prezentado ĉeestis la aŭtoritatojn de la Internacia Olimpika Komitato, Coldeportes, la Kolombia Olimpika Komitato kaj ankaŭ reprezentatoj de la urba registaro kaj la Loka Organizanta Komitato. La aŭtoritatoj montris al la ĉeestantaro la maskoton oficialan kiun akompanis al la publiko kaj sportistoj dum la Mondaj Ludoj.[28] La maskoto, kies oficiala nomo estas "Bichofué" ([BiĉoFUE]) estas birdo flav-kolora kun nigra masko sur la vizaĝo, ĝi reprezentas la natura riĉeco de Kolombio. Ekzistas du oficialaj versioj de la maskoto, ina kaj vira:
Referencoj
Vidu ankaŭEksteraj ligiloj
|
_pictogram.svg){kind=small}
_pictogram.svg){kind=small}
_pictogram.svg){kind=small}
