Adela Velarde Pérez
Adela Velarde Pérez edo "Adelita"(Ciudad Juárez, Mexiko; 1900ko irailak 8 - Texas, AEB; 1971ko apirilak 9) militar eta aktibista mexikarra izan zen, Mexikoko Iraultzan parte hartu zuena Victoriano Huertaren gobernuaren aurka.[1][2][3][4][5][6][7]
Adela Velarde Pérez | |
---|---|
Bizitza | |
Jaiotza | 1900eko irailaren 8a |
Herrialdea | Mexiko |
Heriotza | 1971ko irailaren 4a (70 urte) |
Jarduerak | |
Jarduerak | aktibista |
Biografia
Ciudad Juárez-en jaio zen 1900ko irailaren 8an, inguruko familia dirudun baten barrenean. Rafael Velarde politikari perutarraren biloba zen. 14 urte zituela, 1913an, bere etxea utzi eta armada konstituzionalistako Alfredo Breceda koronelaren tropara batu zen. Aurrerago, 1915 urte inguruan, Gurutze Zuri Neutralaren parte bilakatu eta erizain moduan jardun zuen.[1][8]
Kulturan
Mexikoko Iraultzan parte hartu zuten emakumeak "Adelitak" bezala ezagutzen dira, beste hainbat izenen artean (gaztelaniaz: "soldaderas" edo "coronelas"). Eta Tomasa García iraultzaileak 1979ko elkarrizketa batean aipatu bezala: «A todas nos decían 'Adelitas' porque éramos revolucionarias, éramos de tropa, pero la mera Adelita era de Ciudad Juárez. La mera Adelita esa[...] era muy valiente».[9]
Horrez gain, Adela Velarderi pertsonalki Antonio del Río musikagileak "No me importa" abestia idatzi zion.[10]
1936an, José G. Cruzek "Adelita y las guerrillas", komikia sortu zuen.[11]