Pello Otxandiano
Pello Otxandiano Kanpo (Otxandio, 1983ko abuztuaren 20a)[1][2] euskal ingeniaria eta politikaria da. Euskal Herria Bilduko programa zuzendaria izan da eta, 2023an koalizio horren Mahai Politikoak 2024ko Eusko Legebiltzarrerako hauteskundetarako lehendakarigai proposatua[3].
Pello Otxandiano | |||
---|---|---|---|
(2024) | |||
2011ko ekainaren 11 - 2015eko ekainaren 13a | |||
Bizitza | |||
Jaiotza | Otxandio, 1983ko abuztuaren 20a (40 urte) | ||
Herrialdea | Bizkaia, Euskal Herria | ||
Familia | |||
Familia | ikusi | ||
Hezkuntza | |||
Heziketa | Chalmers Unibertsitate Teknologikoa Mondragon Unibertsitatea (2007 - 2012) doktoretza | ||
Tesia | Factor Graph Based Detection Schemes forMobile Terrestrial DVB Systems with LongOFDM Blocks | ||
Hizkuntzak | euskara gaztelania ingelesa | ||
Jarduerak | |||
Jarduerak | politikaria | ||
Sinesmenak eta ideologia | |||
Alderdi politikoa | Euskal Herria Bildu Sortu | ||
pello.eus | |||
Biografia
Pello Otxandiano Otxandion jaio zen 1983an, familia abertzale batean[3]. Lehen hezkuntzako ikasketak Otxandioko herri eskolan egin zituen, eta bigarren hezkuntza, eskola maparen arabera, Iurretan, Juan Orobiogoitia institutuan (DBH) eta Iurreta LHIn (Batxilergoa). Ondoren, Telekomunikazio ingeniaritza ikasi zuen eta doktoretza egin zuen Mondragon Unibertsitatean eta Göteborgeko Chalmers Unibertsitate Teknologikoan.[4]
Ibilbide politikoa
Lehenago ikasle mugimenduan aritu bazen ere[3], 2011n hasi zen politikan, lehenengo zinegotzi gisa Otxandioko udalean[1] eta, ondoren, Sortu alderdian. Sortuko Herrigintza idazkaria izan zen.[5]
Ondoren, Euskal Herria Bilduko programa zuzendaria izan da, eta lan horren ondorioz EH Bilduren "ideologo" gisa agertu da[6]. Maiz idatzi ditu iritzi artikuluak euskalgintzari buruz, hezkuntza-politikari buruz edo trantsizio ekologikoari buruz[7]. 2024ko Eusko Legebiltzarreko hauteskundetarako hautagai izateko proposatu zuen Mahai Politikoak 2023ko abenduan[1][3].
Bizitza pertsonala
Bi alaben aita, Otxandion bizi da. Zaletasunen artean, musika eta mendia ditu gustuko. Hiru hizkuntza menperatzen ditu: euskara, gaztelania eta ingelesa[8].