Paulo Azpiazu
Paulo Azpiazu (Bergara, Gipuzkoa, 1996) harri-jasotzaile eta fitness entrenatzaile gipuzkoarra da[1].
| Paulo Azpiazu | |
|---|---|
 | |
| Bizitza | |
| Jaiotza | Bergara, 1996 (27/28 urte) |
| Herrialdea |  Gipuzkoa, Euskal Herria |
| Hezkuntza | |
| Hizkuntzak | euskara gaztelania |
| Jarduerak | |
| Jarduerak | harri-jasotzailea |
Ibilbidea
Bergarako Osintxu auzoan jaio bazen ere, zazpi urte zituela familia Lizarrerrira joan zen bizitzera. 14 urte zituela hasi zen gorputza lantzen eta ondoren sare sozialetan bideoak erakutsiz famatu egin zen. Gaur egun fitness irakaslea da, eta Getarian bizi da[2].
2021ean Izeta II.aren harri-jasotze eskolan hasi zen harria altxatzen, eta 2022tik aurrera emaitza bikainak lortu ditu, aipagarriena 2022an lorturiko Euskal Herriko Harri Txikien Txapelketako bigarren postua[3]. Igeldoko harriarekin ere bigarren egin zuen[4].
2023ko urtarrilean Iraetako Errota Harria lehiaketa irabazi zuen, altxaldien errekorra eginez gainera[5], eta otsailean Urrezko Harri-jasotze Txapelketa irabazi zuen, nagusitasun handiz[6]. Zarauzko Bi Harrien txapelketan Mikel Lopetegi "Urra"rekin berdinduta gelditu zen eta pisu diferentziarengatik izan zen txapeldunordea[7].
Lorpenak
Txapelketak
- Euskal Herriko Harri Txikien Txapelketa:
- Bigarren postua (2): 2022, 2023
Bestelako harri-jasotze txapelketak
- Iraetako Errota harria (1): 2023
- Urrezko Harri-jasotze Txapelketa (1): 2023
- Igeldoko harria: bigarrena 2022an
- Gorostidi harria: bigarrena 2023an
- Zarauzko Bi Harri: bigarrena 2023an
Herri-kulturan
Bere bideoen ondorioz ezagun egin zen sarean. Rol-jokoetan aritzen den Rolariak taldeak komiki-pertsonaia sortu zuen bere omenez: Makina-maixu[8].
Erreferentziak
Kanpo estekak
Datuak: Q116599855
