Amagoia Mujika Tolaretxipi
Amagoia Mujika Tolaretxipi (Andoain, Gipuzkoa, 1971) Euskal Herriko kazetari euskalduna da. BERRIA egunkariko zuzendariordea da 2019. urteaz geroztik, eta zuzendaria 2023ko uztailaren 1etik aurrera, Martxelo Otamendiren ordez.[1][2]
| Amagoia Mujika Tolaretxipi | |
|---|---|
 | |
| Bizitza | |
| Jaiotza | Andoain, 1971 (52/53 urte) |
| Herrialdea |  Gipuzkoa, Euskal Herria |
| Hezkuntza | |
| Hizkuntzak | euskara gaztelania |
| Jarduerak | |
| Jarduerak | kazetaria |
| Enplegatzailea(k) | Euskaldunon Egunkaria (1995 - 2003) Berria (2003 - |
  | |
Kazetaritza lizentziaduna da Mujika, eta eskarmentu handia du. Praktikak Euskadi Irratian egin zituen, eta gero Aiurri aldizkarian aritu zen. 1995ean hasi zen Euskaldunon Egunkaria-n lanean, eta hura itxi arte aritu zen bertan, Agenda, Gizartea, Politika eta Kultura sailetan. Egunkaria-ren itxieraren ondoren, Egunero-n aritu zen lanean, 2003ko ekainaren 21ean BERRIA argitaratzen hasi zen arte. Hogei urte hauetan BERRIAko erredakzioan aritu da,[3] Mundua eta Webgunea sailetan eta lurraldeetako Hitzetako arduradun. Donostiako Musika Hamabostaldian ere aritu zen lanean denbora batez, komunikazioan.[4]
Erredakzioko zuzendaritza taldean sartu ondoren, 2019. urtetik BERRIAko zuzendariordea izan da Mujika. Iaz, Ukrainako gerra hasi berritan, herrialde horren eta Poloniaren arteko mugara joan zen berriemaile.[5][6] Aurretik nazioarteko beste gertaera garrantzitsu batzuetan ere izan da berriemaile berezia; besteak beste, Kataluniako erreferendumean[7] eta Hugo Chavez hil osteko Venezuelako lehen hauteskundeetan, 2013an.[8]
Erreferentziak
Ikus, gainera
Kanpo estekak
- Amagoia Mujikak berrian idatzitako artikuluak (800 baino gehiago). Berria.eus
- Amagoia Mujikak Euskaldunon Egunkarian idatzitako artikuluak (700 artikulu). Euskaldunon Egunkariaren hemeroteka. Berria.eus
Datuak: Q118455539
Multimedia: Amagoia Mujika Tolaretxipi / Q118455539
