Antso VI.a Gilen Gaskoiniakoa
Antso VI.a Gilen[1] (?-1032ko urriaren 4a) Baskoniako dukea (1009-1032) izan zen.[2][3]
Antso VI.a Gilen Gaskoiniakoa | |||
---|---|---|---|
1009 - 1032 ← Bernart I.a Gilen Gaskoiniakoa - Oto II.a Gaskoniakoa → | |||
Bizitza | |||
Jaiotza | Hispaniako Marka, X. mendea | ||
Heriotza | Saint-Sever, 1032ko urriaren 4a ( urte) | ||
Hobiratze lekua | Leskarre | ||
Familia | |||
Aita | Gilen Antso Gaskoiniakoa | ||
Ama | Urraka Gartzeitz | ||
Anai-arrebak | ikusi
| ||
Leinua | Baskoniako Etxea | ||
Jarduerak | |||
Jarduerak | subiranoa |
Biografia
Gilen Antso eta Urraka Gartziaren semea izan zen, eta Bernart Gilen zuen anaia nagusia.[4] Amaren partez, Antso III.a Nagusiaren senidea zen eta Iruñean eman zuen bere bizitzaren zati handi bat, euskal erregearen basailu gisa.[5] 1010ean, egungo Itsas Charente departamenduan dagoen Saint-Jean d'Angély herrixkan, Roberto II.a Frantziakoa eta Gilen V.a Akitaniakoarekin elkartu zen. Inoiz ez zion Frantziako erregeari gorazarre egin.
1027an Blayen Gilen V.a Akitaniakoarekin batera elkartu eta Geoffroi frankoa[argitu] hautatu zuten Bordeleko artzapezpiku. Gilen koinatua zuen, Briska bere arrebarekin ezkondu baitzen. 1032an oinordekorik gabe hiltzean, Akitaniako dukearen semeek Baskoniako dukerria jarauntsi zuten.[6]
Herri kulturan
Kondairaren arabera, Obanosko Misterioan aipatzen diren Santa Feliziaren eta Gilen Arnotegikoaren aita zen[7].
Erreferentziak
Kanpo estekak
Aurrekoa Bernart I.a Gilen Gaskoiniakoa | Baskoniako dukea 1009-1032 | Ondorengoa Berengario Gaskoiniakoa |