Areatza

Areatza
	Bizkaia, Euskal Herria
	Areatzako ikuspegia.
Administrazioa
Estatua	Espainia
Erkidegoa	Euskal Autonomia Erkidegoa
Lurraldea	Bizkaia
Eskualdea	Arratia
Izen ofiziala	Areatza
Alkatea	Peru Perez de Anuzita Urquijo (EH Bildu)
Posta kodea	48143
INE kodea	48093
Herritarra	areatzar
Kokapena
Koordenatuak	43°07′18″N 2°46′06″W / 43.1216°N 2.7682°W
Azalera	9,1 km²
Garaiera	139 metro
Distantzia	30 km Bilbora
Demografia
Biztanleria	1.247 (2023); −2 (2022)
Dentsitatea	134,84 bizt/km²
Hazkundea; (2003-2013)	% 19,47
Zahartze tasa	% 23,79
Ugalkortasun tasa	‰ 44,07
Ekonomia
Jarduera tasa	% 78,21 (2011)
Genero desoreka	% 7,69 (2011)
Langabezia erregistratua	% 11,26 (2013)
Euskara
Euskaldunak	% 58,98 (2010)
Kaleko erabilera	% (2016)
Etxeko erabilera	% 46.77 (2016)
Datu gehigarriak
Sorrera	1338. urtea
Webgunea	http://www.areatza.net

Areatza^[5] Bizkaiko hegoaldeko udalerri bat da, Arratia eskualdekoa. Gorbeia mendiaren iparraldeko magalean dago. 2016. urtean 1.194 biztanle zituen.

Artikulu hau Bizkaiko udalerriari buruzkoa da; beste esanahietarako, ikus «Areatza (argipena)».

Geografia

Udalerri mugakideak

Areatzaren mugakide dira iparraldean Artea, hego eta ekialdean Zeanuri, eta mendebaldean Orozko.

Auzoak

Areatzak honako auzo hauek ditu: Launtzain eta Uparan.

Historia

1338an Joanes Nuñez IV.a Larakoa Bizkaiko jaunak Areatzan Villaro edo Billaro izeneko hiribildu eratu zuen. Maria II.a Harokoa bere emaztearen leinuaren omenez Villa de Haro edo Haroko hiribildua hautatu zuen izen.

Hiribildu berriaren helburua Barazar mendatearen bidezko Gasteiz eta Bizkaiko golkoko portuen arteko merkataritza-ibilbidea sendotzea zen. Tamalez, hiribilduak ez zuen inoiz garapen handirik lortu. Jatorrizko hiribilduak bi kale besterik ez zituen- Bekokalea eta Goikokalea- Arratia ibaiaren ondoan zeudenak, eta Zubizarra izeneko zubia, ibaia zeharkatzeko erabiltzen zutena. Hiribildua defendatzeko harresi txiki bat zegoen , Erdi Aroan zehar biztanleriaren hedapena murriztu zuena.

XVI. mendearen hasieran etxeak harresiko hegoaldeko atetik bestaldera zabaldu ziren, Gasteizko bidean, eta horrela egungo Errukine kalea sortu zen. Hala ere, ez zen asko handitu eta bertan 100 bat artesau eta merkatari familia baino ez zen bizi. Lanbide nagusia, ferrak eta lantza eta piken kirtenak egitea zen.

Demografia

Areatzako biztanleria

Politika

2023ko maiatzaren 28ko hauteskundeetako emaitzen ondorioz Peru Perez de Anuzita Urquijo (EH Bildu) da Areatzako alkatea, Josu Basozabalen (EAJ) ondotik. Perez de Anuzitak alkatetza lortu zuen bere taldearen baiezko botoei esker, gehiengo osoaz.

2023ko udal hauteskundeak

Areatzako udalbatza
Alderdia		2023ko maiatzaren 28a		2019ko maiatzaren 26a
Alderdia		Zinegotziak	Boto kopurua	Zinegotziak	Boto kopurua
	Euskal Herria Bildu (EH BILDU)*	5 / 9	340 (% 53,04)	6 / 9	425 (% 58,30)
	Euzko Alderdi Jeltzalea (EAJ-PNV)	4 / 9	271 (% 42,27)	3 / 9	262 (% 35,94)
Datuen iturria: https://apli.bizkaia.eus/apps/seguru/el23/eu