Banhu
Banhu (板胡 板胡, pinyin: bǎnhú) huqin familiako arkudun hari igurtzizko instrumentua da. Txinako tradiziokoa da eta batez ere iparraldean erabiltzen da. Bere izenari dagokionez, "ban" "ohoala" esan nahi du eta "hu" "huqin" forma laburra da, hau da, "Txinako biolina". [1]
| Banhu | |
|---|---|
 | |
| Deskribapena | |
| Mota | necked bowl lutes played with a bow (en)  |
| Hornbostel-Sachs sailkapena | 321.321-71 |
Bere ahaide ezagunenak bezala, erhu eta gaohu, banhuak bi hari ditu, bertikalki eusten da eta arkua haien artean pasatzen da. Bere eraikuntza erhuarenaren desberdina da, bere erresonantzia-kaxa koko-oskolarekin egina dagoelako egurra izan beharrean, eta suge-azalaren ordez egurrezko ohol oso mehea erabiltzen da. Buruan bi larako ditu, biak alde berera orientatuta. Bere erregistroak bi zortzidun baino gehiago hartzen ditu. [2]
Banhu "banghu" deitzen zaio askotan, Txinako iparraldeko bangzi operan askotan erabiltzen delako, hala nola qinqiang operan, Shaanxi probintzian jatorria duena. Erlazionatutako beste instrumentu bat, yehu, koko geruzaz eta egurrezko ohol batez egina, herrialdearen hegoaldean erabiltzen da batez ere. [3]
