Bosco Ntaganda
Bosco Ntaganda (Kiningi, Virunga mendiak, 1973ko azaroaren 5a) ruandar-kongotar gerrillari eta militarra da, 2019an Nazioarteko Zigor Auzitegiak gerra kriminaltzat jo zuena.[1]
| Bosco Ntaganda | |
|---|---|
| Bizitza | |
| Jaiotza | Ruanda, 1973ko azaroaren 5a (50 urte) |
| Herrialdea |  Kongoko Errepublika Demokratikoa |
| Talde etnikoa | tutsia |
| Jarduerak | |
| Jarduerak | ofizierra |
| Gradua | jeneral |
Bizitza
Ruandako Defentsa Indarretako kide ohia, Kongoko Errepublika Demokratikoko armadako jeneral bilakatu zen Kongoko Bigarren Gerran. 2012ko apirilean, Martxoak 23 Mugimendua (M23) sortu eta Kongoko Gobernuaren aurka matxinatu zen. 2013ko martxoan, M23 taldea zatitu ondoren, Kigalira egin zuen ihes, eta AEBetako enbaxadan entregatu zuen bere burua.[2] 2015eko irailean, haren aurkako epaiketa hasi zuen Nazioarteko Zigor Auzitegiak, Hagan (Herbehereak),[3] 2002tik aurrera, Iturin, hemezortzi gerra eta gizateriaren aurkako krimen egin izana leporaturik. 2019ko uztailean, erruduntzat jo zuen Hagako auzitegiak,[1] eta 30 urteko espetxe zigorra ezarri zion azaroaren 7an.[4] 2021eko martxoan, Nazioarteko Zigor Auzitegiak (ICC) 30 milioi dolarretan (25 milioi euro) ezarri zuen Bosco Ntagandaren biktimentzako kalte-ordainen zenbatekoa.
Erreferentziak
Kanpo estekak
Datuak: Q247250
