Busturialdeko Ur Partzuergoa

Busturialdeko Ur Partzuergoa ur-hornikuntza eta saneamenduaz arduratzen den Bizkaiako erakunde publikoa da. 1992an sortu zen Busturialdeko udalen erabakiz^[1]. Bere eskumen nagusien artean dago ur-hornidura, ur zikinen arazketa, edateko uren tratamendua eta abonatuen kudeaketa^[2].

Gaur egun 16 udalerrik osatzen dute partzuergo hau: Arteaga, Ea, Elantxobe, Gernika-Lumo, Forua, Ibarrangelua, Mendata, Murueta, Ajangiz, Muxika, Busturia, Sukarrieta, Mundaka, Kortezubi, Arratzu eta Bermeo.

Uraren kudeaketaz arduratzeaz gain, sentsibilizazio kanpainak ere egiten ditu, bereziki haur eta nerabeen artean, besteak beste ikastetxeetan banatzeko material didaktikoa sortuz^[3].