Byron Haskin (Portland, Oregon, 1899ko apirilaren 22a - Montecito, Kalifornia, 1984ko apirilaren 16a) Ameriketako Estatu Batuetako zinema zuzendaria izan zen, eta hainbat filmetan efektu berezien arduraduna. Zinema mutuan eman zituen aurreneko urratsak, operadore lanetan hain zuzen; film bat edo beste ere zuzendu zuen garai hartan. 1932an Warner Brosekin hasi zen lanean, efektu berezien sailean arduradun nagusi bihurtzeko (1937). Oscar sarietarako izendapen bana jaso zuen, Nathan Levinsonekin batera, The Sea Hawk (1940) eta The Sea Wolf (1941) filmetan egindako lanengatik. Abenturazko zinemarena izan zen batik bat landu zuen generoa, zuzendari lanari berriro ekin zionetik. Hor dira Stevensonen Treasure Island (Altxor uhartea) eleberriareen 1950eko egokitzapena, edota akaso ospe handien eman dion H.G. Wellsen izen bereko lanaren moldapena: The War of the Worlds (1953). Zenbait filmetan George Palekin batera aritu zen lankidetzan.
Filmografia hautatua
Zuzendari
- Matinee Ladies (1927)
- Action in the North Atlantic (1943)
- I Walk Alone (1948)
- Too Late for Tears (1949)
- Treasure Island (1950)
- Denver and Rio Grande (1952)
- The War of the Worlds (1953)
- Long John Silver (1954)
- His Majesty O'Keefe (1954)
- The Naked Jungle (1954)
- Conquest of Space (1955)
- The First Texan (1956)
- The Boss (1956)
- From the Earth to the Moon (1958)
- Captain Sindbad (1963)
- Robinson Crusoe on Mars (1964)
- The Power (1968)
Efektu bereziak
Ameriketako Estatu Batuak
