Chloé Hayden
Chloé Sarah Hayden (Melbourne, 1997ko uztailaren 23a[1]) australiar aktore, Interneteko ospetsu, pertsona autisten eskubideen aldeko ekintzaile[2], podcast ostalari eta idazlea da.
| Chloé Hayden | |
|---|---|
| Bizitza | |
| Jaiotzako izen-deiturak | Chloé Sarah Hayden |
| Jaiotza | Melbourne, 1997ko uztailaren 23a (26 urte) |
| Herrialdea |  Australia |
| Bizilekua | Geelong (en)  |
| Hezkuntza | |
| Hizkuntzak | ingelesa |
| Jarduerak | |
| Jarduerak | youtuberra, aktorea, abeslaria, idazlea, TikToker (en) , motivational speaker (en) , Interneteko ospetsua, disability rights activist (en) , aktibista eta podcaster (en) |
| Sinesmenak eta ideologia | |
| Erlijioa | kristaua |
| chloehayden.com.au eta princessaspien.com | |
       | |
Bizitza
Melbournen jaio[1] eta Geelongetik gertu hazi zen[3].
13 urte zituela, hamar aldiz aldatu zuen eskolaz. Depresio eta antsietate larria izan zuen jazarpenaren ondorioz[3]. Orduz geroztik etxean ikasi zuen[4][5]. 13 urte zituela, autismoa diagnostikatu zioten, eta 22 urte zituela, arreta-defizitaren eta hiperaktibitatearen nahasmendua[6][5].
Bi neba eta ahizpa bat ditu, horietatik bi Taiwanetik adoptatuak[7]. Bere nebetako bat ere autista da[3].
Ibilbidea
2016an YouTube kanalean hasi zen, Princess Aspien izengoitia erabiliz[8]. 2020an, ezagun bihurtu zen Sia abeslariak zuzendutako Music filma autismoaren erretratu negatibo eta irrealistagatik kritikatu zuenean[9].
2021eko azaroan, Quinn (Quinni) Gallagher-Jonesen papera lortu zuen Heartbreak High telesailean. Haydenen pertsonaia autista da eta bere ekarpenarekin idatzi zen[10]. Protagonista autista bat antzezten duen lehen aktore autistetako bat da. Haydenek berak esan zion pertsonaia autista bat antzeztea asko gustatu zaiola, ez baitzuen autoestimulazioa ezkutatu behar[4].
2022ko abuztuan, Different, Not Less: A Neurodivergent's Guide to Embracing Your True Self and Finding Your Happily Ever After liburua argitaratu zuen[5].
2022an, Marie Claire aldizkariko australiar edizioko Urteko Emakumeen zerrendan agertu zen[11].
2023ko apiriletik, Boldly Me podcasteko ostalaria da[12][13].
Aktibismoa
Haydenek Heartbreak Highen antzezpenak harrera ona izan zuen, eta kritikari askoren ustez, estereotipatua ez den pertsonaia autista ongi irudikatzea lortu zuen[14].
Autismoari buruzko estereotipoak hautsi nahi ditu bere esperientziei buruz hitz eginez[3]. Pertsona autisten eskubideak eta neuroaniztasunaren mugimendua sustatzen ditu[5].
2023ko otsailean, Haydenek eta beste zaleek Marvel estadioari kapazitismoa leporatu zioten, Harry Stylesen kontzertuan zentzumen-gelara sartzea debekatu zieten ostean[15]. Estadioko administrazioak bigarren zentzumen-gela bat eraikiko zutela eta langileen prestakuntza osagarria antolatuko zutela agindu zien[16].
Bizitza pertsonala
Hayden kristaua[17][18] eta beganoa da[4]. 2024ko urtarrilaren 13an Dylan Rohanekin ezkondu zen[19][20].
Sariak
Lanak
Filmografia
| Urteak | Izenburua | Pertsonaia | Oharrak |
|---|---|---|---|
| 2017 | Jeremy the Dud | Heidi | Film laburra |
| 2021 | Sister from the South | Robyn | Film laburra |
| 2022 | Counter Girls | Grace | Minisaila |
| Embrace: Kids | Bere burua | Dokumentala | |
| Frankly | |||
| 2022 - gaur egun | Heartbreak High | Quinn (Quinni) Gallagher-Jones | Telesaila |
| 2023 | Play School | Bere burua | Atal batean: "Show Time 2" |
Liburuak
- Different, Not Less: A Neurodivergent's Guide to Embracing Your True Self and Finding Your Happily Ever After (2022)
Erreferentziak
Kanpo estekak
Datuak: Q113016025
