Damian Milton
Damian Elgin Maclean Milton (1973ko abuztua[1]) britainiar soziologo eta gizarte-psikologoa da, pertsona autisten eskubideen aldeko ekintzaile gisa ere ezaguna. Kenteko Unibertsitatean irakasten du eta National Autistic Society erakundeko aholkularia da[2][3].
Damian Milton | |
---|---|
Bizitza | |
Jaiotza | 1973ko abuztua (50 urte) |
Herrialdea | Erresuma Batua |
Hezkuntza | |
Tesia | Educational discourse and the autistic student: a study using Q-sort methodology (en) |
Hizkuntzak | ingelesa |
Jarduerak | |
Jarduerak | soziologoa, gizarte-psikologoa eta ikertzailea |
Enplegatzailea(k) | University of Kent Tizard Centre (en) (2017ko abuztuaren 1a - |
Autismoarekiko interesa 2005ean piztu zitzaion, bere bi urteko semeak diagnostikoa lortu ondoren. Miltoni berari Asperger sindromea (autismo mota bat) diagnostikatu zioten 2009an, 36 urte zituela[3][4].
2012an lehen aldiz aurkeztu zuen «enpatia bikoitzaren arazoaren» teoriagatik da ezaguna batez ere[5][6][7]. Kontzeptua aurreko diskurtsoan egon bazen ere, Jim Sinclair moduko aktibistek 1990eko hamarkadatik aurrera egindako argudioetatik abiatuta, Miltonek nabarmen zabaldu zuen[3][8].
Miltonek autismoarekin lotutako 250 idazlan baino gehiago idatzi ditu[2]. Desgaitasunaren eredu soziala erabiltzen du[3][7] eta bere argitalpenetako askok iraganeko teoriak kritikoki aztertzen dituzte. Esaterako, autoestimulazioa positiboki ikusi behar dela eta autistei lagun diezaiekeela argudiatu du[9]. Bere lanak harrera ona izan du akademikoen artean[10][8][11], baita pertsona autisten artean ere[6][12].
Spectrum 10K proiektuaren aurka agertu da eta zalantzan jarri du ea benetan lagungarria zen pertsona autisten ongizatean[13].
Lan hautatuak
- Artikuluak
- On the ontological status of autism: the 'double empathy problem' (2012)
- The normalisation agenda and the psycho-emotional disablement of autistic people (2012)
- Autistics speak but are they heard? (2013)
- Autistic expertise: A critical reflection on the production of knowledge in autism studies (2014)
- How is a sense of well-being and belonging constructed in the accounts of autistic adults? (2016)
- Making the future together: Shaping autism research through meaningful participation (2018)
- Redefining Critical Autism Studies: a more inclusive interpretation (2018)
- Liburuak
- A Mismatch of Salience: Explorations from the Nature of Autism from Theory to Practice (2017)
- The Neurodiversity Reader: Exploring Concepts, Lived Experience and Implications for Practice (Susy Ridout, Nicola Martin, Richard Mills eta Dinah Murrayrekin batera, 2020)