Danimarkako Urrezko Aroa
Danimarkako Urrezko Aroa Danimarkako garai sortzailea izan zen, batez ere XIX. mendearen lehen erdian nahiz eta gizarte mailan garaiak oso onak ez izan: Kopenhage hiriburuak sute desberdinak pairatu zituen (1794 eta 1795) erdigunea txikituta utzita, Kopenhageko bigarren gudan Erresuma Batuaren aurrean galdu zuten eta, orokorrean, herrialdea krisian murgilduta zebilen. Erresuma Batuaren aurrean galdu zuten.[1] Hori guztia horrela izan arren, arte eta kultura ikuspuntutik urte aberatsak izan ziren horiek. Nolabait, Alemaniako erromantizismoa pizkunde horren katalizatzailea izan zen. Urrezko Aro honek nazioarteko eragina izan zuen eta egile batzuen lanak mundu osoan ezagutu ziren.
Margolaritza
Margolaritzan aro horren barruan urte onenak 1800tik 1850 doazenak izan ziren. Garaiko izen ezagunenak hauek dira: Christoffer Wilhelm Eckersberg eta bere ikasleak, Wilhelm Bendz, Christen Købke, Martinus Rørbye, Constantin Hansen, Ditlev Blunck eta Wilhelm Marstrand barne.
Eskultura
Arte honetan izen handi bat dago, Bertel Thorvaldsen. Herman Wilhelm Bissen ere aipatzekoa da.
Arkitektura
Urte horietan Kopenhage hiriari beste itxura emango zioten eraikuntza asko egin ziren. Hor ditugu Christian Frederik Hansen eta Michael Gottlieb Bindesbøll arkitektoen lanak, esaterako. Nagusitu zen estiloa neoklasikoa izan zen.
Musika
Arte honetan joera erromantikoa izan zen nagusi. Hor ditugu J.P.E. Hartmann, Hans Christian Lumbye eta Niels Gade. Balletaren ikuspuntutik August Bournonville aipatu behar da.
Literatura
1802an Henrich Steffens filosofo norvegiarrak Alemaniako erromantizismoa ezagutzera eman zuen. Beste izenak: Adam Oehlenschläger, Bernhard Severin Ingemann, Nikolaj Grundtvig eta Hans Christian Andersen.
Filosofia
Søren Kierkegaard mundu osoan egin zen ezaguna.
Zientziak
Hor izen handi bat dugu: Hans Christian Ørsted
Erreferentziak
Kanpo estekak
Datuak: Q934618
Multimedia: Golden Age of Danish Painting / Q934618
