Diabolo Kiwi

Donibane Garaziko eskolan elkar ezagutu eta 2016an taldea sortu zuten Julen eta Allandek, Garaziko gaztetxean antolaturiko jaialdi batean parte hartzeko. Bi urtetan nahiko geldirik egon ondoren 2018ko maiatzean berriz elkartu ziren eta Leire eta Amaiur sartu ziren taldean^[1]. Aurreneko diskoa 2019an argitaratu zuten, Kokinkeriak fini izenekoa. Funk estiloko bost kanta hartzen zituen barnean^[2].

2020an Herri Urrats ikastolen jaiaren abestia atera zuten, "Gaki ge" izena zuena. Ekitaldi berezia izan zen gainera, izan ere etxean konfinatuta ospatu baitzen jaia^[3]. 2021. urtean lehenengo diska luzea argitaratu zuten, Uhin galduak.

2022ko urtarrilean Leire Iribarne abeslaria auto istripuz hil zen^[4].

• Kokinkeriak fini (2019, autoekoizpena)^[5]
• Uhin galduak (2021, autoekoizpena)^[6]

• "Gaki ge" abestia, Herri Urrats 2020

• Leire Iribarne