Elena Furiase

1988ko martxoaren 9an jaio zen Madrilen. Lolita Flores abeslariaren eta Guillermo Furiase enpresaburu argentinarraren alaba da. Lola Floresen eta 'El pescailla' zituen aitita-amamak. Espainiako artista familia ezagunenetako batekoa da, Los Flores. Musikan aritzen den neba txikia du, Guillermo Antonio. Rosario Flores kantaria izeko du eta Antonio Flores kantaria osaba zuen. Azken horren alaba, Alba Flores lehengusina aktorea da.

2006an hasi zen ikus-entzunezko komunikazioa ikasten, baina El internado seriean Vickyren pertsonaiarekin izandako interpretazioaren eta ospearen ondorioz, ikasketak utzi zituen.

Aktore

Bere lehen proiektua "El internado" telesaila izan zen. Proiektu hori hasi eta gero, Elenak bere potentziala erakutsi zuen. 2007tik 2010era bitartean, Antena 3katean El internado telesail arrakastatsuaren protagonistetako bat izan zen. Elenak bizia ematen zion Vickyren pertsonaiari.^[4]

2008an, El libro de las aguas delakoan hartu zuen parte, Álex Gonzálezekin batera.^[5]

2009an, bi filmetan hartu zuen parte: Cruzando el límite, Xavi Giménezek zuzendua, eta The Anguish, Jordi Mesak zuzendua.^[6]

2010ean José Luis García Sánchezek zuzendu zuen Don Mendo Rock ¿La venganza? filmean hartu zuen parte Paz Vegarekin. Gainera, Imperium serieko kapitulu batean parte hartu zuen, Petra interpretatuz.^[7]

2011n Crimen perfecto antzezlanaren protagonista izan zen, Víctor Condek zuzendari zela.^[8]

Medikuak hala gomendatuta, Crimen perfecto antzezlana utzi eta Antena 3en Bandolera telesailean sartzeari uko egin behar izan zion.^[9]

2012an, Sombras webseriean parte hartu zuen, Aly interpretatuz.

2013an, Antena 3eko Amar es para siempre telesailean hasi zen lanean, Olgaren pertsonaia interpretatuz.^[10][11] Imprescindibles saioan parte hartu zuen, Alba Flores lehengusinarekin batera, TVEk Lola Flores amonari buruzko dokumental batean.^[12] Pablo Morenok zuzendutako Un dios perdido filmean, eta Diente por diente film laburrean.^[13][14]

2015ean, Gym Tony telesaileko kapitulu batean hartu zuen parte, Paularen pertsonaia interpretatuz, eta hiru film grabatu zituen: Poveda, Luz de Soledad eta Harvey Johnson.^[15][16]

2016ko urtarrilean, Cuéntame como pasó telesailaren “El último Ferry” kapitulua emititu zen, Graciaren pertsonaia interpretatuta.^[17][18]

2018ko urtarrilaren 1ean Antena 3 katean epaimahaikide izan zen Tu cara me suena 6 gala berezian.^[19][20]

2020ko irailean hasi zen TVEko La 1eko Como sapiens sukaldaritza-saioan parte hartzen.^[21]

2020ko abenduan, William Shakespeareren Como gusteis antzezlanean oinarritutako Rosalinda ^[22] estreinatu zen zinema aretoetan, Ramón Luquek zuzenduta. ^[23][24]

Idazle

Irakurzalea izan da eta txikitatik kontakizun laburrak idatzi ditu. 2023an hasi zen literaturan gazteentzako El mundo secreto de Árbar eleberri batekin.^[3]

Zinema

Telebista

Telesailak

Saioak

Antzerkia

• 2009: «La Lola» Radio Macandé.

2018ko martxoaren 19an, Instagram kontuaren bidez, lehen semearen haurdunaldia berretsi zuen. Bere bikotekidea Gonzalo Sierra Martín-Garea musikaria da, Guillermo Antonio nebaren laguna.^[25] 2018ko urriaren 12an jaio zen Madrilen bere lehen semea, Noah Sierra Furiase.^[26] 2021eko irailaren 18an, semearen aitarekin ezkondu zen Monteenmedioko Dehesa delakoan, Vejer de la Fronteran. 2022ko uztailaren 4an jaio zen Madrilen bere alaba, Nala Sierra Furiase.