Elusate
Elusate[1] (latinez: Elusati) Antzinako Erroma baino lehen Akitanian bizi izan zen tribu bat zen, gaur egungo Eauze inguruan. Mendebaldean tarusateak, iparraldean sotiateak, ekialdean laktorate eta auskiarrrak eta hegoaldean bigerrioiak zituzten.[2].
Bere hiriburua Eauzetik hiru kilometro iparralderantz zegoen oppidum bat izan zen, Esbérous eta Higat ordokietan kokaturik. Lubaki eta harresi batek babestuta, Brontze Arotik Burdin Aroaren amaiera arte biztanleak zituen.[3]
Publio Lizinio Krasok, Julio Zesarren ordezkaria zena, k. a. 56an menderatu zituen.[4] Konkista eta gero, elusateek civitas bat eraiki zuten, k.a. I. mendearen amaieran gertuko sotiateekin bat egin zuena.
I. mendean, egungo Eauzetik kilometro batetara, Elusa izeneko hiria eratu zuten ex nihilo. Hiria, kolonia bilakaturik, Novenpopulaniako hiriburu bilakatu zen.[5]
