Enniskillen

Enniskillen; Inis Ceithleann
	herria
	Enniskillengo aireko ikuspegia 2005an. Irudi gehiago
Administrazioa
Herrialdea	Erresuma Batua
Herrialdea; Lurraldea; Lurralde Historikoa; Konderria	Erresuma Batua; Ipar Irlanda; Ulster; Fermanagheko konderria
Posta kodea	BT74, BT92-94
Geografia
Koordenatuak	54°20′41″N 7°38′20″W / 54.3447°N 7.6389°W
Azalera	13.011 km²
Demografia
Biztanleria	13.823 (2011)
Informazio gehigarria
Telefono aurrizkia	028
Ordu eremua	UTC±00:00
Hiri senidetuak	Bielefeld
	http://www.enniskillen.com/ www.enniskillen.com/

Enniskillen (irlanderaz: Inis Ceithleann, eskozieraz Inniskillin) Ipar Irlandako Fermanagh konderriko udalerririk handiena da. Zehazki konderriaren erdigunean kokatzen da, Lough Erne lakuko Goi eta Behe zatien artean. 2001eko erroladaren arabera udalerri honek 13.599 biztanle zituen. Fermanagh Konderriko Kontseiluaren egoitza da.

Etimologia

Irlanderazko Inis Ceithleann izenak "Ceithlennen uhartea" esan nahi du. Ceithlenn irlandar mitologiako jainkosa da.

Historia

Hiriko eraikinik zaharrena Maguiren gaztelua da, XVI mendekoa, baina posible da aurretik zegoen eraikin baten gainean altxatua izatea. 1580an lehenengo dikea eraiki zen. Gaur egun aintziraren ur maila jeitsi egin da eta dike horrek ez du urik eusten. Tokia estrategikoa izanik ingelesek berehala erasotu zuten zuten, 1593an, baina Maguiretarrek gogor eutsi zioten. Ingelesek 1607an eskuratu zuten eta Ulsterraren kolonizazioan paper garrantzitsua izan zuen.

1688an lehenengo zubiak altxatu ziren ordurako herria nabarmen hazia zegoelako. Derryrekin batera Gilen III.aren aldekoen gotorlekua izan zen baina Jakue II.ak irabazi zuen gerra. Ikusten den bezala merkatal-herri izateak baino gotorlekuak ekarri zuen Enniskillenen garapena.

Klima

Datu klimatikoak (Lough Navar basoa 126m, 1971-2000)
Hila	Urt	Ots	Mar	Api	Mai	Eka	Uzt	Abu	Ira	Urr	Aza	Abe	Urtekoa
Erregistraturiko tenperatura maximoa (°C)	13.0	15.4	20.0	23.2	26.1	28.8	29.8	28.0	23.2	19.5	16.8	13.8	29.8
Batez besteko tenperatura maximoa (°C)	6.4	7.0	8.9	11.5	14.5	16.6	18.3	18.1	15.6	12.2	8.8	7.0	12.1
Batez besteko tenperatura minimoa (°C)	0.3	0.5	1.4	2.2	4.3	7.4	9.7	9.2	7.1	5.1	2.1	1.2	4.2
Erregistraturiko tenperatura minimoa (°C)	-12.9	-10.5	-11.6	-7.3	-4.4	-2.4	1.0	0.2	-2.6	-7.2	-8.4	-12.8	-12.9
Pilatutako prezipitazioa (mm)	163.38	123.19	136.81	93.85	87.4	93.39	101.37	117.45	123.94	155.7	157.26	169.1	1522.8
Iturria (1): YR.NO^[1]
Iturria (2): Royal Netherlands Meteorological Institute^[2]

Ondasun nabarmenak

Enniskillen gaztelua: Hugh Maguire XVI mendean eraiki zuen. 1607an ingelesek eskuratu zuten eta William Cole kapitainak berriztu egin zuen.
Coole gaztelua: XVIII mende bukaerako eraikin neoklasikoa da.
Portora Royal School: 1615ean Ballybalfour herrixkan hasi eta 1661ean Enniskillenera pasa zen. Gaur egungo kokapena 1778koa da. bertan izan ziren ikasle Oscar Wilde (1854-1900) eta Samuel Beckett (1906-1989) idazleak, besteak beste.
St Macartin katedrala: 1842an eraikitako elizak Santa Ana izena zuen baina 1923an katedral bihurtzean izena aldatu zioten.