Eva Guerrero
Eva Guerrero Rico (Bilbo, Bizkaia, 1982ko, irailaren 25a) dantzaria eta koreografoa da.
| Eva Guerrero | |
|---|---|
| Bizitza | |
| Jaiotza | Bilbo, 1982ko irailaren 25a (41 urte) |
| Herrialdea |  Bizkaia, Euskal Herria |
| Hezkuntza | |
| Hizkuntzak | gaztelania |
| Jarduerak | |
| Jarduerak | dantzaria eta koreografoa |
  | |
Biografia
Eva Guerrerok hainbat ikasketa egin ditu: BA Contemporary Performances Practices- Leeds Beckett University; Artes Escénicas- BAI Bizkaiko Antzerki Ikastegia; eta Osteopatia- ESMO Sanasport.[1]
2005ean hasi zen lan eszenikoak sortzen, baina artistikoki heldu ahala, beste esparru batzuk jorratzen hasi zen: bideo-dantza, performancea, instalazioa eta narrazioa, "Destrucción mutua asegurada" liburua argitaratuz 2015ean.
Gorputza du, beti, bere lanaren oinarriaren abiapuntu. Material oso fisikoekin egiten du lan, hau da, erresistentzia, manipulazioa, arriskua, naturaltasuna, ez-aktuazioa, keinua, egunerokotasuneko ekintzak, gorputz itsusiak... testua erabiltzen du bai eszenan eta baita koreografiak sortzeko tresna gisa, inprobisazioaz gain.[2]
Dantza klaseak ematen ditu eta hainbat kolektibo artistikotako sustatzailea izan da (Plataforma Tirante, Los Man Ones, DOOS Colectivo), beti ere bere jarduera artistikoa kudeaketa eta produkzio lanekin uztartuz. Auto-kudeatutako "Lutxana" espazioan parte hartu du 8 urtez eta beste 5 "Noviembre Kulturala" jaialdia antolatzen eman ditu.[2]
Bere lanak ikusgai egon dira bai nazio mailan zein maila internazionalean (Euskal Herria, Katalunia, Cuenca, Londres, Brasil, Egipto, Philadelphia...). Gaur egun “Punto de Fuga Espazioa” kudeatzen du, eta Jemima Cano-rekin batera 2013an sortutako “DOOS Colectivo-an parte hartzen du.[2] DOOS-en helburua kultura, sormena eta formazioarekin loturiko jarduerak bultzatzea da, eta horretarako dantza, bideo eta antzezlanak ekoizten ditu. Ikastaroak ere antolatzen dira (autogestioa, dantza garaikidea, gorputz-kontzientzia) baita sortzaile berrientzako aholkularitza lanak ere.[3]
Sorkuntzak
Dantza garaikidea:
- “Gorpuztu”. 2019[4]
- “El fin de las cosas”. 2017 Karrikan 2017 saria.[5]
- “Anotación nº 7”. 2016[6]
- “Despues de todo”. 2014[7]
- “Destrucción mutua asegurada”. 2012[8]
- “Somos intensos por naturaleza”. 2011[9]
- “Re-vestimentos”. 2008[10]
- “La teoria del ser hojalata”. 2007[11]
- “Me gusta tu vestido”. 2005
- “1+1=1”. 2005[12]
Bideo dantza:
- “Tu sombra bajo mis pies”. 2013
- “Des-constru-yendo”. 2008
Antzerkia:
- “Mírame cuando te hablo”. 2013
Argitalpena:
- “Destrucción mutua asegurada” liburua
Site specific:
“Elementuak”. 2012
Erreferentziak
Kanpo estekak
Datuak: Q97591925
