Francisco de Orellana

Francisco de Orellana (Trujillo, Gaztelako koroa, 1511 – Amazonas ibaia, Amerika, 1546) espainiar konkistatzailea izan zen. Amazonas ibaia esploratu zuen lehen europarra izan zen^[1].

Francisco de Orellana
Irudi gehiago
Bizitza
Jaiotza	Trujillo, 1511 (egutegi gregorianoa)
Herrialdea	Espainia
Heriotza	Amazon Delta (en) , 1546 (egutegi gregorianoa) (34/35 urte)
Heriotza modua	: eritasuna
Hezkuntza
Hizkuntzak	gaztelania
Jarduerak
Jarduerak	konkistatzailea, militarra eta soldadua
Lantokia(k)	Amazonas
Enplegatzailea(k)	Karlos V.a Habsburgokoa
Gradua	jeneral
Sinesmenak eta ideologia
Erlijioa	Erromatar Eliza Katolikoa

Peruko konkistan ibili zen Pizarrorekin batera. Pizarrok Quitotik ekialdera zeuden lurraldeak aurkitzeko asmoz prestatu zuen espedizioko kide izan zen. Espedizioak hirurogei egun egin zituen noraezean, eta atzera egin behar izan zuen; orduan Pizarro eta haren gizonak iparralderantz abiatu ziren, Coca eta Napu ibaietan gora, eta Aguarico eta Curaray ibaiek bat egiten duten lekuan zer jan ez zutela geratu ziren. Pizarrok jatekoaren bila joan zedila agindu zion Orellanari. 1542ko otsailean abiatu zen, ez ordea jatekoaren bila, Ipar Itsasoaren bila baizik, Pizarro eta espediziokideak han utzita. Zazpi hilabeteren buruan Amazonasen bokalera iritsi eta Venezuelara jo zuen. Espainiara joan zen, eta agintariek Amazonas inguruan aurkitutako lurraldearen gobernari izendatu zuten.

1545ean itsasoratu zen Sanlúcar de Barramedan Amazonastik Quitora joatekoa zen espedizioa, Orellana buru zuela. Amazonasa iritsi zirenean gizon eta ontzi ugari galdu zituen, eta bera ere hil zen, manaos indiarren lurraldean. ^[2]