Gabriela Loran
Gabriela Loran da Silva Oliveira (São Gonçalo, Brasil, 1993ko maiatzaren 18a) brasildar emakumezko aktore eta modelo transgeneroa da.[1][2][3] Malhação telesailean Priscila izeneko pertsonaiarena egiteagatik ezaguna da. 2021ean Arcanjo Renegado telesailean antzeztuko du Rio de Janeiroko Estatuko Asanblada Legegileko presidentearen kabineteburuaren rolean.[4]
| Gabriela Loran | |
|---|---|
| Bizitza | |
| Jaiotza | São Gonçalo (Rio de Janeiro), 1993ko maiatzaren 18a (30 urte) |
| Herrialdea |  Brasil |
| Lehen hizkuntza | Brasilgo portugesa |
| Jarduerak | |
| Jarduerak | telebista-aktorea |
    | |
Bizitza
Gabriela Loran 1993ko maiatzaren 18an jaio zen Rio de Janeiroko estatuko São Gonçalo udalerrian.[1] Jaiotzean gizonezko generoa esleitu zioten. Arte Eszenikoen Casa das Artes de Laranjeiras Fakultatean ikasi zuen. Han ikasle zegoela, 23 urterekin, bere burua emakume transgenerotzat aurkeztu zuen eta emakumerako trantsizioa egiteari ekin zion.[2] 2018an jaiotza-agiria zuzentzea lortu zuen, sexua emakumezkoa jarriz eta Gabriela izena ofizial eginez.[1]
2018an Malhação telesailean Priscila izeneko pertsonaia antzezteagatik egin zen ezaguna. 2021ean Arcanjo Renegado telesailean antzeztuko du, Rio de Janeiroko Estatuko Asanblada Legegileko presidentearen kabineteburuaren rolean.[4]
Filmografia
Telesailak
| Urtea | Izenburua | Pertsonaia | Telebista katea | Oharrak |
|---|---|---|---|---|
| 2018 | Malhação | Priscila | Rede Globo | |
| 2020-2021 | Perdido | Inayara Birigüi | Canal Brasil | |
| 2021 | Arcanjo Renegado | Rio de Janeiroko Estatuko Asanblada Legegileko presidentearen kabineteburua | Globoplay |
Erreferentziak
Kanpo estekak
Datuak: Q105396572
