Gorotz

Gorotza edo gorozkia animaliek iraizten duten digestio-hondakin solidoa da.^[1] Iraizkin hauek uzkiaren (edo kloakaren) bitartez kanporatzen dituzte, kaka egite izeneko prozeduraz. Gizaki batek bataz beste 128 gramo gorotz sortzen ditu egunean^[2].

Animaliek elikatu ondoren, elikaduraren hondakinak kanporatzen dituzte. Jatorrizko elikadurak energia gehiago baduen ere, gorotzek oraindik jatorrizko energiaren %50a eta gehiago izan dezakete.^[3] Horretaz baliatzen dira ekosistemako beste animalia edo organismoak, tartean onddo edo intsektu batzuk. Fruitujaleen gorotzek ere, onurak ekartzen dizkiote ekosistemari, bertan landareen haziak daudelako.

Behi-aziendaren gorotzak bekorotza edo pekotza du izena.

Ardi-aziendaren gorotzak arkorotza edo arkina du izena.

Hegaztien gorotzari zirin esaten zaio.