Gros

Urumea ibaia mendebaldean, Ulia mendia ekialdean, Zurriola hondartza iparraldean eta Egia auzoa hegoaldean ditu mugakide. Hasiera batean auzo industriala zen, baina denboraren poderioz aldatzen joan da eta gaur egun merkataritza da nagusi, erdigunetik oso gertu eta auzo-giro bizia duena.

Bertan daude Zurriola hondartza eta Kursaal biltzar jauregia.

Auzoa XIX. mendean sortu zen, Urumea ibaiaren eskuinaldeko hondar dunak eraikitzeko moldatzen hasi zirenean, Gogorza Planaren eta 1894 urtean Tomas Gros arkitektoak diseinaturiko zabalgunearen bitartez. Hain zuzen ere, arkitektoak ematen dio izena. Azkenik, Kursaal Etxebizitza Agentziak eginiko lanekin, auzoak itsasoari lekua irabazi zion eta, gutxigorabehera, egungo azalera hartu.

1991tik auzoko jaiak, Karmengo Egunaren inguruan (uztailean) ospatzen dira, Zipotz (antzinako auzokide ezagun baten ezizena) eta Legami (haren lagunaren ezizena) alegiazko pertsonaiekin.

• Kursaal jauregia
• Katalunia plaza
• San Inazio eliza
• Zurriola hondartza
• Zurriolako zubia
• Frantziako ibilgunea
• Groseko geltokia
• Groseko pilotalekua
• Groseko trinketa
• Okendo kultur etxea
• Groseko Koruko Andre Mariaren anbulatorioa
• Mirakruz kalea 19, Espainiako eraikin itsusiena izendatuta.

Kaleak

Plazak

• Biteri plaza
• Bitoriano Iraola plaza
• Euskadi plaza
• Euskal Herria plaza
• Katalunia plaza
• Jose Migel Barandiaran plaza
• Lapurdi plaza
• Luistar Langileen plaza
• Nafarroa Beherea
• Pinudi plaza
• Sekundino Esnaola plaza
• Txofre plaza
• Zuberoa plaza
• Zuhaizti plaza

• Groseko 1891ko hirigintza-proiektuari buruzko artikulua, euskaraz.net webgunean.