Hasier Larretxea
Hasier Larretxea (Arraioz, Nafarroa Garaia, 1982ko martxoaren 22a) euskal idazlea da. Poesian nabarmendu da.
| Hasier Larretxea | |
|---|---|
 | |
| Bizitza | |
| Jaiotza | Arraioz, 1982ko martxoaren 22a (42 urte) |
| Herrialdea |  Nafarroa Garaia, Euskal Herria |
| Hezkuntza | |
| Hizkuntzak | euskara gaztelania |
| Jarduerak | |
| Jarduerak | idazlea eta poeta |
| Lantokia(k) | Euskal Autonomia Erkidegoa |
 | |
Bizitza
Donato Larretxea aizkolariaren iloba eta Patxi Larretxea herri kirolariaren semea izaki, familiak Hasier ere herri kiroletan aritzera bultzatu zuen, baina Hasierrek presioari aurre egin zion. Madrila ihes egiteko beharra sentitu zuen 2006an, 24 urte zituela; homosexuala izateagatik Baztan bere jaioterrian arazorik izan ez zuen arren, LGBT eskubideen aldeko militantziak nekatu zuen, eta Madrila jo zuen, anonimotasunera, bere baitakoak lantzearren eta idaztearren. Geroztik han bizi da.[1]
Geroago, 2016an hainbat poesia-errezital antolatu zituen hainbat hiritan (Donostia, Iruñea, Madril, Bartzelona, Zaragoza...). Hasier poesiak irakurtzen ditu euskaraz eta erdaraz, eta aldi berean gurasoek egurra mozten dute poesiaren erritmoari lagunduz. Errekontziliazioa islatu nahi dute ekitaldi horietan, familia barrukoa eta kolektiboa.[2]
Lanak
- Eguraldi lainotsua (2001), Iruñea hiriko lehen poesia saria.
- Azkenaldian (2002), Nafarroako Unibertsitate Publikoko lehen poesia saria.
- Bazaudete? (2004, Metaziri). Elizondo, Baiona, Iruñea, Andoain eta Gasteizen ikuskizunak errezitaldiak eskaini ditu.
- Azken bala (2007),[3] Nafarroako Gaztediaren Institutuak antolaturik Artista Gazteendako literatur lehiaketan saritua, Point de Lunettes Sevillako argitaletxeak edizio elebidunean karrikaratua 2008an. Gaztelaniazko itzulpena Angel Errok egina da.
- Atakak (2011). Poesia liburua.[4] "Bertakoa ezagutzen duen begirada bat da, urruntasunetik; barnean nituen bizipenak, esperientziak, paisaiak. Bada landa eremuko bizitzari, usaindutako horri egindako gorazarre egite bat, omenaldi bat".[5]
- Barreras (2013, La Garúa).[6]
- Larremotzetik (2014, Erein). Memoria liburua.
- Niebla Fronteriza (2015, El Gaviero)[7] Urte horretako 10 poesia-libururik onenen artean aukeratu zuen "El Cultural" blogak.[8]
- Pulgarcito (2016, Alkibia) Ipuina.[9]
- De un nuevo paisaje (2016, Stendhal Books).[10]
- Meridianos de tierra (2017, Harpo Libros).[11]
- El lenguaje de los bosques (2018, Espasa). Narrativa.[12]
- Hijos del peligro (2023, Candaya).
Sariak
- Nafarroako idazle gazteendako "Francisco Ynduráin" saria lortu zuen 2008an.
- Iruñea hiriko literatur lehiaketan poesia modalitatean, 2001. Eguraldi lainotsua (Pamiela, 2001)
Erreferentziak
Kanpo estekak
- Hasier Larretxea "Point de Lunettes" argitaletxean
- Hasier Larretxea, Profila Euskal Idazle Elkartean
- Miguel Sánchez-Ostiz-en kritika Diario de Noticias-en
- Felipe Juaristiren kritika Diario Vasco-n
- Katixa Agirreren kritika[Betiko hautsitako esteka] Deian
- Beñat Sarasolaren kritika Berrian
- Igor Estankonaren kritika Argian
- Elkarrizketa[Betiko hautsitako esteka] Berria egunkarian
- Elkarrizketa Diario de Noticias-en
- Elkarrizketa Haritu aldizkarian
- Elkarrizketa ABC egunkarian
- Elkarrizketa La Opinión de Tenerife-n
Datuak: Q5892641
