Isabella Löwengrip
Isabella Desirée Löwengrip, Blondinbella izengoitiaz ere ezaguna, (Järfälla, 1990eko urriaren 21a) suediar enpresaburu, idazle eta blogaria da[1][2].
Isabella Löwengrip | |
---|---|
(2012) | |
Bizitza | |
Jaiotzako izen-deiturak | Isabella Desirée Löwengrip Rydberg |
Jaiotza | Järfälla församling, 1990eko urriaren 21a (33 urte) |
Herrialdea | Suedia |
Bizilekua | Lidingö |
Familia | |
Bikotekidea(k) | ikusi
|
Hezkuntza | |
Heziketa | Jensen education (en) |
Hizkuntzak | suediera ingelesa |
Jarduerak | |
Jarduerak | ekintzailea, idazlea, kazetaria eta blogaria |
Jasotako sariak | ikusi
|
isabellalowengrip.se | |
Bizitza
1990ean jaio zen Järfällan. Stockholmgo Jensen Gymnasium Norran ikasi zuen. Bigarren hezkuntzan ari zela, politikoki aktiboa izan zen Suediako Alderdi Moderatuaren gazte erakundean. Gero Alderdi Moderatua utzi zuen[3].
2005eko irailean, 14 urte zituela, Blondinbella bloga sortu zuen eta Suediako lehen influencerretako bat bihurtu zen[4]. 2010ean Blondinbella.se Suediako blog pribaturik handiena izan zen eta Löwengrip urteko saregile izendatu zuten. Gaur egun Löwengripek Eskandinaviako herrialdeetako blogik handiena du hilabetean milioi bat bisitari baino gehiago ditu[5].
2007an, 16 urte zituela, Löwengripek bere lehen enpresa sortu zuen, Bellme AB. Orduz geroztik Egoboost aldizkariko zuzendaria eta Vj1890-ko kontseiluko presidentea izan zen[6], Orion filmean antzeztu zuen[7] eta entretenimendu-programa batzuetan parte hartu zuen[8][9].
2008an, Let's Dance izeneko telebista saioan parte hartu zuen lehiakide ospetsuetako bat bezala[10]. 2009an New Yorkeko MTV Video Music Awardsen elkarrizketatzailea izan zen[11].
Bizitza pertsonala
2013ko abuztuaren 31n, Odd Spångbergekin ezkondu zen. Bi seme-alaba izan zituzten, Gillis eta Sally[12]. 2017ko maiatzaren 11n, Löwengripek dibortziatzen ari zela iragarri zuen blogean[13].
2018ko urrian, Skavlan telebistako saioan egindako elkarrizketa batean, Löwengripek esan zuen arreta-defizitaren eta hiperaktibitatearen nahasmendua eta Asperger sindromea (autismo mota bat) diagnostikatu zizkiotela[14].
Liburuak
- Egoboost!: Blondinbellas överlevnadsguide för unga tjejer (2010)
- Isabellas hemligheter: så tog jag huvudrollen i mitt eget liv (2012)
- Economista: ta makten över din ekonomi och få ett roligare liv (Pingis Hadeniusekin batera, 2013)
- Babyboost!: ett plus ett blir tre (2014)
- #Aktiedrottning: den enkla vägen till att få pengarna att växa (medan du sover) (Pingis Hadenius eta Linda Newnhamekin batera, 2017)
- Isabella (Rebecka Edgren Aldénekin batera, 2021)