Itxaso Martin
Itxaso Martin Zapirain (Donostia, 1981) euskal idazle eta antropologoa da. Ikusentzunezko Komunikazio eta Gizarte eta Kultur Antropologian lizentziatua da. 2012 urtean Ni, Vera eleberria argitaratu zuen Elkar argitaletxeak.[1]
| Itxaso Martin | |
|---|---|
 | |
| Bizitza | |
| Jaiotza | Donostia, 1981 (42/43 urte) |
| Herrialdea |  Gipuzkoa, Euskal Herria |
| Hezkuntza | |
| Heziketa | Euskal Herriko Unibertsitatea |
| Tesi zuzendaria | Mari Luz Esteban |
| Hizkuntzak | euskara |
| Jarduerak | |
| Jarduerak | idazlea eta kazetaria |
| Lan nabarmenak | ikusi
|
| Jasotako sariak | ikusi
|
 | |
Lan ibilbidea
Ikus-entzunezko Komunikazioa eta Gizarte eta Kultura Antropologian lizentziaduna da Itxaso Martin. Euskal Irrati Telebistan[2] eta Hamaika Telebistan lanean aritua da.[1]
2012an argitaratu zuen bere lehen literatur lana, Ni, Vera, eromena bezalako gai gogor zein konplexu bat jorratuz.[3] Eleberriaren abiapuntua Itxasoren birramonaren istorioan dago, 51 urtez, 40 urte zituenetik hil arte psikiatriko batean egon zena. [4] Egoera pertsonal batek eraman zuen birramonari buruzko ikerketa egitera, psikiatrikora joan eta bere birramonari buruzko txostenak irakurtzera.[5] Bi zati ezberdinek osatzen dute nobela, lehen partean Martina da protagonista eta erotzen ari dela sentitzen du, beldur handiz. Bigarren partean Vera, Martinaren birramona, Itxasorenaren historian oinarritutako pertsonaia da protagonista. Bi parteak ahots jokoen bidez lotzen saiatu da idazlea.[6] Liburu honek, Gipuzkoako Liburu Saltzaileen Elkarteak banatzen duen Zilarrezko Euskadi saria lortu zuen 2013an.[7]
Abiapuntu berdina du bere tesi lanak ere, Mari Luz Esteban Galarzak zuzendutako Eromena, azpimemoria eta isiltasuna(k) idazten: hutsune bihurtutako emakumeak garaiko gizartearen eta moralaren ispilu[8]. Lan honetan lehen frankismo garaian “erotzat" hartutako eta psikiatrikoetan sartutako emakumeen eta horren inguruko isiltasuna gaia lantzen du.[9][10] Garaiko gizarte eta moralak baldintzatutako rol hegemonikoa hausten zuten emakumeak psikiatrikora eramaten zituztela frogatzen du ikuspuntu feminista batetik landutako ikerketa honek.[11] Lan honekin Ikasketa Feministei edo Genero Ikerketei buruzko UPV/EHUko tesi onenaren Micaela Portilla Vitoria Saria (4. edizioa) jaso zuen 2016an.[8] 2017an argitaratu zuen Euskal Herriko Unibertsitateko Argitalpen zerbitzuak.[12]
Idazlanak
- Ni, Vera, Elkar, 2012
- Eromena, azpimemoria eta isiltasuna(k) idazten : "hutsune" bihurtutako emakumeak garaiko gizartearen eta moralaren ispilu, Euskal Herriko Unibertsitatea, Argitalpen Zerbitzua, 2017
Erreferentziak
Kanpo loturak
- Itxaso Martin Ni, Vera liburuaren aurkezpenean [1] [2]
- (Gaztelaniaz)Itxaso Martinen “Locas: Mujeres psiquiatrizadas” hitzaldia
- Itxaso Martin, Eromena, azpimemoria eta isiltasuna(k) idazten: Hutsune bihurtutako emakumeak garaiko gizartearen eta moralaren ispilu tesia sarean
Datuak: Q33000931
Multimedia: Itxaso Martin / Q33000931
