Jon Ander Etxebarria
Jon Ander Etxebarria Garate (Bilbo, 1955 - ) bizkaitar biologoa da, uraren kalitatean aditua eta Bilboko Ur Partzuergoko langile ohia. Hainbat urtez Euskadiko Biologoen Elkargo Ofizialeko dekanoa izan da[1]. COVID-19 pandemiaren garaian ezagun egin zen jarrera negazionistak eta antizientifikoak defendatzeagatik[2][3][4][5][6].
Jon Ander Etxebarria | |||
---|---|---|---|
| |||
Bizitza | |||
Jaiotza | Bilbo, 1955 (68/69 urte) | ||
Herrialdea | Bizkaia, Euskal Herria | ||
Hezkuntza | |||
Heziketa | Leongo Unibertsitatea | ||
Hizkuntzak | gaztelania | ||
Jarduerak | |||
Jarduerak | biologoa | ||
Enplegatzailea(k) | Bilbao Bizkaia Ur Partzuergoa | ||
Kidetza | Euskadiko Biologoen Elkargo Ofiziala |
Biografia
1955an jaio zen Bilbon. Leongo Unibertsitatean ikasi zuen biologia eta 38 urtez lan egin du uraren kalitatean, eutrofizazioan eta Bilboko Ur Partzuergoren lehendakariorde izan da[7].
COVID-19 pandemiaren aurreko jarrera
COVID-19 pandemia sortu zenean, hainbat jarrera negazionista babesteagatik egin zen ezagun, eta hitzaldi asko eskaini zituen zientziak aurkitutakoa ukatzen. Egiaren Aldeko Biologoak talde negazionistako[8] kide gisa[9], PCRen aurkako, SARS-CoV-2 birusaren existentziaren aurkako eta txertoen aurkako hainbat mezu argitaratu zituen[2][10][11]. Mezu hauen ondorioz, Elkargoko zuzendaritzako kide askok dimititu zuten[4][12].