Jone Laspiur
Jone Laspiur Gorosabel (Intxaurrondo, Donostia, Gipuzkoa, 1995) aktorea, artista eta Nakar taldeko abeslaria da.[1] 2021ean Emakumezko errebelazio aktore onenaren Goya Saria jaso zuen Anen egindako lanagatik.[2][3] [4][5][6]
| Jone Laspiur | |
|---|---|
 | |
| Bizitza | |
| Jaiotzako izen-deiturak | Jone Laspiur Gorosabel |
| Jaiotza | Donostia, 1995 (28/29 urte) |
| Herrialdea |  Gipuzkoa, Euskal Herria |
| Hezkuntza | |
| Heziketa | Euskal Herriko Unibertsitatea Madrilgo Complutense Unibertsitatea Universidad del Museo Social Argentino (en)  |
| Hizkuntzak | euskara gaztelania ingelesa |
| Jarduerak | |
| Jarduerak | aktorea |
   | |
Biografia
Arte Ederretako ikasketak egin zituen. Koba eta Nogen musika taldeetan aritu zen. Etxean asko sustatu zioten sorkuntza. Aita artista plastikoa du, eta ama, irakaslea. Amaraberri eskola modeloan ikasi zuen, eta askotariko diziplinak sustatu zizkioten.
Aktore ibilbidea
2020an estreinatu zen zinema eta telebista aktore, Donostiako Zinemaldian plazaratu ziren hiru lanetan: Ane eta Akelarre filmetan eta Alardea telesailean, alegia.[7]
2021ean emakumezko aktore hasi berrien errebelazio sarirako izendatu ez ezik,[8][9] irabazi ere egin zuen.[3][2]
2023an Negu hurbilak (2023) filmean parte hartu zuen. Euskaldun eta katalanez osatutako Negu kolektiboaren opera Prima izan zen. Filmeko aktore profesional bakarra izan zen, besteak Zubietako herritarrak izan baiziren.[10][11] Suitzako LXXVII. Locarno zinema jaialdian Epaimahaiaren Aipamen Berezia jaso zuen filmak.[12]
Filmografia
Telebista
| Urtea | Telesaila | Katea | Pertsonaia | Oharrak |
|---|---|---|---|---|
| 2020 | Alardea | ETB1 | Katixa | 4 ataletan |
Filmak
| Urtea | Filma | Pertsonaia | Oharrak |
|---|---|---|---|
| 2020 | Ane | Ane | |
| 2020 | Akelarre | Maider | |
| 2020 | Polvo somos | Ane | Film laburra. |
| 2021 | Maixabel | Mariaren laguna | |
| 2022 | Kordak | Aktibista | |
| 2023 | Negu hurbilak | protagonista |
Musika
2022tik aurrera, Nakar postpunk musika taldeko abeslaria da.
Erreferentziak
Kanpo estekak
- Elkarrizketa: Beldurra ematen dit alderdiren batetik herren geratzeak Berria, 2023.12.09
Datuak: Q100700856
