Josh Thomas
Joshua Michael Thomas (Blackwater, 1987ko maiatzaren 26a) australiar umorista, aktore eta gidoilaria da.
Josh Thomas | |
---|---|
Bizitza | |
Jaiotzako izen-deiturak | Joshua Michael Thomas |
Jaiotza | Blackwater (en) , 1987ko maiatzaren 26a (36 urte) |
Herrialdea | Australia |
Hezkuntza | |
Heziketa | Kenmore State High School (en) |
Hizkuntzak | ingelesa |
Jarduerak | |
Jarduerak | aktorea, gidoilaria, komediantea eta telebista-aktorea |
joshthomas.com.au | |
Bizitza
Rebecca eta Mike Thomasen semea, Blackwater herrian jaio zen[1].
2005ean, Melbourneko Nazioarteko Komedia Jaialdiaren RAW Comedy saria irabazi zuen. Hurrengo urtean, The Comedy Zonen parte hartzeko hautatu zuten[2]. 2007an, Thomasen ikuskizuna, Please Like Me, Melbourneko Nazioarteko Komedia Jaialdian estreinatu zen, non Melbourneko Aireportuko saria eman zioten[3]. Edinburgoko eta Montrealgo komedia jaialdietan ere parte hartu zuen[4].
2009an, Thomas Generation Y taldeko kapitain bihurtu zen Bout Your Generation telebista saioan[5].
2013ko otsailean, Thomasek idatzitako Please Like Me telesaila estreinatu zen ABC2 katean[6]. Izen bereko ikuskizunetan oinarritzen da eta Thomasek protagonista antzeztu zuen[7].
2018an, Everything's Gonna Be Okay telesailaren ideia sortu zuen[8][9]. 2020ko urtarrilaren 16an estreinatu zen Freeform katean[10].
Homosexual irekia da[11]. 28 urte zituela, arreta-defizitaren eta hiperaktibitatearen nahasmendua diagnostikatu zioten[12]. 2021ean, autista dela agerian utzi zuen[13][14].
Lanak
Urteak | Izenburua | Pertsonaia |
---|---|---|
2013-2016 | Please Like Me | Josh |
2020-2021 | Everything's Gonna Be Okay | Nicholas Moss |