Kilmarnock

Kilmarnock; Cill Mheàrnaig; Killie
	Eskozia
	Irudi gehiago
Administrazioa
Estatu burujabe	Erresuma Batua
Herrialdea	Eskozia
Eskoziako kontseilu gunea	Ekialdeko Ayrshire
Geografia
Koordenatuak	55°36′42″N 4°29′40″W / 55.6117°N 4.4944°W
Demografia
Biztanleria	46.350 (2011); 46.770 (2016); Adierazpen errorea: Ustekabeko < eragileaAdierazpen errorea: Hitz ezezaguna "br" (2011)
Informazio gehigarria
Telefono aurrizkia	01563
Ordu eremua	UTC±00:00
Hiri senidetuak	Kulmbach (en) , Santa Coloma de Gramenet, Alès, Herstal eta Joué-lès-Tours
	east-ayrshire.gov.uk

Kilmarnock (Eskoziako gaeleraz: Cill Mheàrnaig eta eskozieraz: Killie) Eskozia hego-mendebaldeko udalerria da, Ekialdeko Ayrshire eskualdeko hiriburua eta Ayrshire guztiko bigarren herririk handiena da. 2011ko erroldaren arabera 46.159 biztanle ditu^[1], honek Eskoziako 15. herria bihurtzen du.

Etimologia

Gaelerazko Cill Mheàrnaig izenak "Meàrnag-en eliza" esan nahi du.

Geografia

Glasgow eta Ayr artean kokatuta dago^[2]. Ekialdetik Irvine ibaiak eta erdigunetik Kilmarnock errekak zeharkatzen dute herria^[3].

Historia

Kondairak dio San Marnoch-ek (Meàrnag) eliza eraiki zuela bertan VII mendean. Haren inguruan sortuz joango zen herria, baina gaur egungo eraikinik zaharrenak XVII mendekoak dira, izan ere 1668an sute ikaragarri batek herri guztia suntsitu baitzuen.

Aurrez, 400 urtetan zehar Kilmarnock eremuaren jabetza izan zuen Boyd familiak Dean gaztelua eraiki zuen 1350 urtean.

1800 urtetik aurrera industrializazioaren eraginez herria nabarmen handitu zen eta herri berria planifikatu behar izan zen. Ordukoak dira King Street, Portland Street, Saint Marnock Street eta beranduago John Finnie Street, azken hau Eskozian victoriar estiloan planifikaturiko ederrenetakoa.

Ekonomia

Ehungintzan oinarritu zen Kilmarnockeko ekonomia eta bertan egindako alfonbrek mundu mailako sona hartu zuten. Ikatz meategiak eta harrobiak ere baziren herriaren inguruko mendietan. Hau dela eta munduko aurreneko trenbideetako bat bertan ezarri zen.

Azkenik Johnnie Walker eskoziar whisky markaren jatorria Kilmarnocken dago.