Marcel Rémy
Marcel Rémy, (Gruyère[1], 1923ko otsailaren 6a - 2022ko uztailaren 10a[2]) Suitzako alpinista izan zen. 90 urte bete ostean eskaladan jarraitzeagatik egin zen ezagun.[3]
Marcel Rémy | |
---|---|
Bizitza | |
Jaiotza | Gruyère barrutia, 1923ko otsailaren 6a |
Herrialdea | Suitza |
Heriotza | 2022ko uztailaren 11 (99 urte) |
Jarduerak | |
Jarduerak | arroka-eskalatzailea eta railway worker (en) |
Biografia
Bertha eta François Remyren semea. [4]. Aita nekazari eta basomutila zen, eta gero trenbideetan aritu zen.[1] Marcel gaztetandik nekazaritzan hasi zen. 1950ean ezkondu zen. Gero Suitzako trenbideetan lanean aritu zen, erretiroa hartu arte.
Mendia
8 urte zituela mendizaletu zen, turistekin izandako harremanaren eraginez. Lasterketa ugari egin zituen Vaud eta Friburgoko Alpeetan, baita ibilaldi klasikoak ere Matterhorn, Grand Combin edo Mont Blanc bezalako mendietan. Gero jende askori transmititu zion zaletasuna: bere bi semeak, Claude eta Yves Rémy, maila handiko eskalatzaile bihurtu ziren, bide berri ugariren sortzaileak (Suitza, Presle, Kalymnos )[5]
2017an, 94 urte zituela, Argentinako Ispilura igo zen (14 luze, 5b / 5c, klasifikazio "zaila"[6], Vaud-eko Alpeetan 450 metroko altuera duen amildegia), bere bi semeek lagunduta; handik parapentez jaitsi zuten.[7]
Osasun arazoak izan arren (operazio kirurgikoak, protesiak bi aldaketan) Rémyk ia egunero entrenatzen zuen kiroldegian: 94 urterekin 5c-rainoko igoerak egiten zituen (kiroldegian zein mendian), eta alpetar eskia eta mendi eskia praktikatzen zuen.[7] 96 urterekin oraindik The Wasp (5c, Saint-Loup) eskalatu zuen [8] .
Erreferentziak
Kanpo estekak
- Romain Guelat, erreportaia « Une vie pour la montagne, 2014, bideoa RTS Passe-moi les jumelles, 23 min
- (Frantsesez) « Marcel Remy - 94 years old and back to the summit », 2020, bideo, 24 minutu.