Melitha Sidabutar
Melitha Patricia Sidabutar (Balige, 2001eko urtarrilaren 8a – Bekasi, 2024ko apirilaren 8a) indonesiar abeslaria izan zen.
| Melitha Sidabutar | |
|---|---|
| Bizitza | |
| Jaiotza | Balige (en)  , 2001eko urtarrilaren 8a |
| Herrialdea |  Indonesia |
| Heriotza | Bekasi, 2024ko apirilaren 8a (23 urte) |
| Hobiratze lekua | San Diego Hills (en) |
| Heriotza modua | : kardiomegalia |
| Hezkuntza | |
| Hizkuntzak | Indonesiera |
| Jarduerak | |
| Jarduerak | abeslaria |
Bizitza
Elitha Purnama Martaida Siahaan eta Mounstar Sidabutarren alaba, 2001eko urtarrilaren 8an jaio zen Indonesiako Balige herrian[1][2][3]. Melisha Sidabutar ahizpa bikia eta Ronald Sidabutar neba zituen[3].
2014an abeslari gisa hasi zuen ibilbidea eta urte berean ospea lortu zuen Indonesian Idol telebista saioko 8. denboraldian parte hartu ondoren. Idol Junior saioan ere parte hartu zuen[3].
2020an, Idol Junior eta Indonesian Idol saioetan parte hartu zuen ahizparekin batera[1][3]. Melithak urrezko txartela irabazi zuen, eta bere bikia kanporatu zuten[4]. Urte hartako abenduaren 8an, Melisha hil zen bihotz-gutxiegitasunagatik[1][4]. Sidabutar hirugarren entzunaldian kanporatu zuten, eta abeslari espiritual gisa jarraitu zuen ibilbide profesionala[3]. Impact Music Indonesia diskoetxearekin kontratua sinatu eta Penolong Yang Setia singlea grabatu zuen[1][3]. YouTuben ere abestu zuen eta Selalu Ada Untukku eta Tuhan Tahu singleak kaleratu zituen, kritikarien onespena lortu zutenak[1][3]. Guztira 20 abesti baino gehiago kaleratu zituen[1].
2023an, Anugerah saria irabasti zuen kristau abesti espiritual onenaren kategorian Mengucap Syukur singleagatik[1].
2024ko martxoan Melitha Sidabutar eta Veren abeslariek Kisah Indah singlea grabatu zuten[1].
2024ko apirilaren 8an hil zen bihotz-gutxiegitasunagatik Bekasi hiriko Eka ospitalean, 23 urte zituela[1][3][5][6]. Apirilaren 11n lurperatu zuten San Diego Hills hilerrian, ahizparen ondoan[7][8].
Erreferentziak
Kanpo estekak
Datuak: Q125400040
