Miren Meabe Carro
Miren Meabe Carro (Gurutzeta, Barakaldo, Bizkaia, 1986ko uztailaren 5a) abeltzaina, fisioterapeuta eta politikaria da. Bizkaian jaioa, Arabako Kuartango udalerrian bizi da aspaldian. Enkarterriko astoak ditu, galzorian den arraza bat. Jelkidea da, eta 2023ko ekainaren 17an Kuartangoko alkate bilakatu zen.
Miren Meabe Carro | |||
---|---|---|---|
| |||
Bizitza | |||
Jaiotza | Barakaldo, 1986ko uztailaren 5a (37 urte) | ||
Herrialdea | Bizkaia | ||
Jarduerak | |||
Jarduerak | abeltzaina, politikaria, fisioterapeuta, aktibista eta politikaria | ||
Sinesmenak eta ideologia | |||
Alderdi politikoa | Eusko Alderdi Jeltzalea |
Bizitza
Gurutzetan, Barakaldon, jaio zen.[1] Fisioterapia ikasi zuen eta fisioterapeuta gisa lan egin zuen.[2]
Lan ibilbidea
Abeltzain
2008an Enkarterriko astoen abeltzaintzan hasi zen.[3][4] 2023an galtzeko zorian zegoen Enkarterriko arrazako 24 asto zituen. Arasel Arabako asto-azienda hazten dutenen elkarteko presidentea, eta ENAFE Euskal Herriko Hazle Federazioko idazkaria da.[5][6]
Aktibista
GAITTUN elkarteko kidea da. Elkarte hori emakumeek eta emakumeentzat sortu zuten, eta landako eta itsasoko emakume langileak ahalduntzeko eta emakumeek euskal lehen sektorearen historian egindako lana ikusarazteko eta balioesteko ldihardu lanean.[7][8][9] 2020an, Iratxe Martinez Mazaga eta Gema Arrugaetarekin batera, Bizkaian baditun! Itsas Landa Inguruneko Emakumeak argitaratu zuen.[10] Bizkaiko kostaldean emakumeek egindako lanari buruzko "Itsasoan gaittun | Bizkaia, la mar en femenino" dokumentala koordinatu zuen, baita argazki-erakusketa bat ere Bilboko Metroan eta Euskadiko beste leku batzuetan, lehen sektoreko emakumeak ikustarazteko.[11]
Politikari
Eusko Alderdi Jeltzalearen zinegotzia izan zen Kuartangoko Udalean 2015 eta 2019ko udal hauteskundeetan.[12][13][14] 2023ko udal hauteskundeetako zerrendaburua izan zen eta Kuartangoko alkatetza lortu zuen Alderdi Popularraren laguntzarekin.[15][16]
Bizitza pertsonala
Ezkonduta dago eta bi ume ditu.[17]
Sariak eta aintzatespenak
- 2022an Gordexolako nekazaritza, abeltzaintza eta artisautza azokanlehen saria jaso zuen, 12 eta 36 hilabete bitarteko kategorian.[18]
Erreferentziak
Kanpo estekak
- (Gaztelaniaz) «Historias a bocados: Jokano», EITB, 2022ko azaroaren 15a.
- (Gaztelaniaz) «Miren Meabe», Sustraia, EITB, 2019.