Oksana Txusovitina

Oksana Aleksandrovna Txusovitina (errusieraz, Оксана Александровна Чусовитина; Bukhara, Uzbekistan, 1975eko ekainaren 19a) gimnasta olinpikoa eta munduko txapelduna da. SESB, Uzbekistan eta Alemaniaren izenean lehiatu izan da.^[1]

Oksana Txusovitina
Irudi gehiago
Bizitza
Jaiotza	Bukhara, 1975eko ekainaren 19a (48 urte)
Herrialdea	Sobietar Errepublika Sozialisten Batasuna  Alemania  Uzbekistan
Familia
Ezkontidea(k)	Bakhodir Kurbanov (en)
Hezkuntza
Hizkuntzak	alemana errusiera Uzbekera
Jarduerak
Jarduerak	gimnasta artistikoa
Parte-hartzailea 2004ko Udako Olinpiar Jokoak 1994ko Asiako Jokoak 1998 Asian Games (en) 2002ko Asiako Jokoak 2000ko Udako Olinpiar Jokoak gymnastics at the 2008 Summer Olympics – women's vault (en) (2.) gymnastics at the 2016 Summer Olympics (en) gymnastics at the 1992 Summer Olympics – women's artistic team all-around (en) (1.) gymnastics at the 1992 Summer Olympics – women's floor (en) (7.) gymnastics at the 1996 Summer Olympics – women's artistic individual all-around (en) (10.) gymnastics at the 2008 Summer Olympics – women's artistic individual all-around (en) (9.) gymnastics at the 2012 Summer Olympics – women's vault (en) (5.) gymnastics at the 2016 Summer Olympics – women's vault (en) (7.) Gimnastika 2020ko Udako Olinpiar Jokoetan - Emakumezkoak zaldi-jauzia
Pisua	44 kilogramo
Altuera	153 zentimetro
Jasotako sariak	ikusi Silbernes Lorbeerblatt SESBeko Kirolaren Maisu ohorrezko

Txusovitinaren eliteko ibilbidea mende laurdena baino gehiago luzatu da. 1988an, hamahiru urterekin, SESBeko Txapelketa Nazionala irabazi zuen gazteen kategorian. 1989an hasi zen nazioarteko mailan lehiatzen. Zortzi Olinpiar Jokotan lehiatu den emakumezko gimnasta bakarra izan da, 2020ko Udako Olinpiar Jokoak izan dira azkenak, ez du finalera sartzea lortu eta gainontzeko parte hartzaileen txalo artean agurtu da.^[2][3][4]

Hiru talde ezberdinetan lehiatu izan da Olinpiar Jokoetan: 1992an Talde Bateratuarekin; 1996, 2000, 2004, 2016 eta 2020an Uzbekistanekin; eta 2008 eta 2012an Alemaniarekin. ^[5]

Honetaz gain, ama izan ondoren goi mailako gimnasiara itzuli diren emakume gutxienetakoa da Txusovítina, Leyanet Gonzalez kubatarrarekin, Larisa Latynina sobietarrarekin, Suzanne Harmes holandarrarekin, Alia Mustafina errusiarrarekin, Marta Pihan-Kulesza poloniarrarekin eta Irina Sazonova islandiarrarekin batera.

Bere seme Alisher jaio ondoren gimnasia utzi zuen, baina 3 urterekin leuzemia diagnostikatu zioten semeari eta Txusovitinak, goi mailako lehiaketari berrekitea erabaki zuen, tratamendurako dirua biltzeko. Hainbeste urtetako goi mailako ibilbidearen ondoren, gimnasiaren komunitatean eredu eta inspiraziotzat hartzen dute askok.^[6]