Patrizia Vitelli
Patrizia Vitelli, jaiotzez Patrizia Varela, (Arrasate, 1990) sukaldaritzan aditua den blogaria, influencerra eta telebista aurkezlea da[1].
| Patrizia Vitelli | |
|---|---|
| Bizitza | |
| Jaiotza | Arrasate, 1990 (33/34 urte) |
| Herrialdea |  Gipuzkoa, Euskal Herria |
| Jarduerak | |
| Jarduerak | Influencerra, blogaria, telebista aurkezlea eta sukaldaria |
Ibilbidea
Zuzenbide ikasketak egitera Bilbora joan zen eta han hasi zen sukaldatzen. "The Cook Rocker" izeneko sukaldaritza bloga sortu zuen eta 2014 arte edukiak igo zituen. Orduan hartu zuen Patrizia Vitelli izen artistikoa, The Godfather filmeko Apolonia Vitelli pertsonaian inspiratua[2].
Zuzenbide ikasketak utzi eta Lidergo eta Ekintzailetza gradua egin zuen[1]. Gradu amaierako proiektu gisa "Bilbao Food Tours" enpresa sortu zuen 2016an, Bilbora datozen turistei pintxo ibilbideak antolatzen dizkiena. 2018an "Foodiario" instagrameko kontua sortu zuen. 2020an COVID-19 pandemiako itxialdi garaian errezeta liburu elektroniko bat atera zuen[3].
2022-23 denboraldian Zigor Iturrietarekin batera Txoriene sukaldaritza telesaioko aurkezlea da[4].
Erreferentziak
Kanpo estekak
Datuak: Q114929807
