Rachael Dunlop
Rachael Anne Dunlop, Dr. Rachie ezizenaz ezagutzen dena (Sydney, Australia, 1970eko azaroaren 19a - ) australiar biokimikari, mediku ikerlari, blogari eta zientzialari eszeptikoa da.
Rachael Dunlop | |
---|---|
Bizitza | |
Jaiotza | Sydney, 1970eko azaroaren 19a (53 urte) |
Herrialdea | Australia |
Hezkuntza | |
Heziketa | Adelaideko Unibertsitatea Sydney Medical School (en) Sydneyko Unibertsitatea |
Hizkuntzak | ingelesa |
Jarduerak | |
Jarduerak | biologoa eta ikertzailea |
Enplegatzailea(k) | University of Technology Sydney (en) Macquarie University (en) |
Jasotako sariak | ikusi
|
Mugimendua | Eszeptizismo zientifikoa |
Txertoekiko aurkakotasun taldeen aurka gogor ekiten du eta Twitterren osasun gaien inguruan egindako zabalkundeagatik 2010an Shorty Saria jaso zuen.
Biografia
Biokimikari ibilbidea
Argazkilari eta diseinatzaile lanetan aritu ondoren zelula biologia ikasketak egin zituen Adelaideko Unibertsitatean eta Toxikologia eta Farmakologia Experimentaleko mintegian graduatu zen. Zelula biologiako tesia egin zuen Sydneyko Mediku Eskolan.
2013an zianobakterioen eta neurona motorraren artean lotura dagoela frogatu zuen. Bakterioek sortzen duten BMAA proteinak neurona suntsitzen zuela ikusi zuten, alboko esklerosi amiotrofikoa eraginez[1]. Zianobakterio hau uretan edo fruituetan egon daiteke eta Guam uharteko indigenen artean gaixotasunaren indizea handia omen da fruituak jaten dituzten saguzaharretaz elikatzen direlako[2].
Eszeptizismo zientifikoa
2008tik aurrera Australiako Eszeptizismo zientifiko mugimenduan sartuta dago eta txertoen aurkako taldeen kontra gogor ekiten du The Skeptic Zone[3] podcastean eta The Sceptics' Book of Pooh-Pooh izeneko blogean[4].