Rita Casciakoa
Santa Rita Casciakoa edo Santa Rita Casiakoa[1], jaiotzez Margherita Lotti, (Roccaporena, Perugiako probintzia, Umbria, 1381 – Cascia, Perugiako probintzia, Umbria, 1457ko maiatzaren 22a) San Agustinen Ordenako moja izan zen.
Rita Casciakoa | |
---|---|
Bizitza | |
Jaiotza | Roccaporena (en) , 1381 (egutegi gregorianoa) |
Heriotza | Cascia, 1457ko maiatzaren 22a (75/76 urte) |
Hobiratze lekua | Saint Rita Basilica (en) |
Hezkuntza | |
Hizkuntzak | italiera |
Jarduerak | |
Jarduerak | moja kristaua, filosofoa eta moja |
Santutegia | |
Maiatzaren 22 | |
Sinesmenak eta ideologia | |
Erlijioa | Eliza latinoa |
Erlijio-ordena | Augustinian nuns (en) |
Bizitza
Margherita Lotti 1381ean jaio zen Roccaporena herrian[2][3]. Gurasoak Antonio and Amata Lotti izan ziren. Familian, Rita deitzen zioten[2].
Hamabi urte zituela[3], Paolo Mancinirekin ezkondu zen. Gurasoek ezkontza adostu zuten, Ritak komentu batean sartzeko baimena eskatu zien arren. Ezkontzak hemezortzi urte iraun zituen. Senarrak Rita gaizki tratatu zuen, baina hura Jainkoarengana bihur zedin saiatzen zen. Bi seme izan zituzten, baina gaixotasun baten ondorioz hil ziren[2].
Senarra eta semeak hil ondoren, Ritak agustindarren komentuan sartzea erabaki zuen. 36 urte zituela, moja egin zen[2].
1442ko Ostiral Santuan, aparteko esperientzia bat izan omen zuen. Jesusen irudi baten aurrean kontenplatzean, Kristoren bereganako eta gizadi osoarenganako maitasuna sakonago sentitu zuen. Kristoren sufrimendua arintzeko, minaren zati txikiena ere partekatu nahi zuela esan zuen. Mina sentitu zuen bekokian, arantzazko koroa izan balu bezala[4].
Azken urteotan, larriki gaixo zegoen eta ez zen ohetik altxatu. 1457ko maiatzaren 22an hil zen[2]. Santa Ritaren gorputz usteldugabeak Casciako santutegian dago[5].
Kanonizazioa
1628ko urriaren 1ean Urbano VIII.a aita santuak dohatsu bilakatu zuen, eta 1900eko maiatzaren 24an Leon XIII.a aita santuak kanonizatu zuen[6]. Santa Rita eguna maiatzaren 22an ospatzen da[1][3].