Sada Abe
Sada Abe (japonieraz: 阿部 定 Abe Sada, Kanda (Tokio), 1905eko maiatzaren 28 – 1970 pasa ondoren) Japoniako geisha izan zen. 1936an bere amorantea ito egin zuen, eta ondoren genitalak moztu zizkion.[1]
| Sada Abe | |
|---|---|
 | |
| Bizitza | |
| Jaiotza | Kanda (en)  , 1905eko maiatzaren 28a |
| Herrialdea |  Japoniar Inperioa  Japonia |
| Heriotza | ezezaguna, 1970 ondoren (118 urte) |
| Hobiratze lekua | ezezaguna |
| Hezkuntza | |
| Hizkuntzak | japoniera |
| Jarduerak | |
| Jarduerak | geisha, kriminala eta sexu-langilea |
   | |
Biografia
Sada Abe erdi mailako familia baten zazpigarren seme-alaba zen; guztira zortzi ume izan ziren baina bakarrik lau iritsi ziren helduarora. Familiak Kanda tatamiak egiteko lantegia zuen. Osakan prostituzio munduan sartu zen eta 1930. hamarkadan Tokion. Han ospe txarra lortu zuen: iskanbila ugari sortu zituen, bezeroei dirua lapurtzen zien, prostituzioa legala zen lokal bat utzi zuen zerbitzari bezala aritzeko. Prostituzio ilegalean ere aritu zen baina behin baino gehiagotan uzten saiatu zen.[2]
Sada Aberen ospea amorante hil zuenean zabaldu zen. 1936ko maiatzaren 18an, sexu harremanetan ari zirela, Saba Abek Kichizo Ishida amorantea ito egin zuen, ondoren, zakila eta barrabilak mozteko. Ondoren atxilotu zuten, eta Bigarren Mundu Gerra bukatu arte egon zen preso. 1948an bere autobiografia idatzi zuen, Memoirs of Abe Sada: Half a Lifetime of Love, japonieraz. 1970. hamarkadan desagertu zen eta pentsatzekoa da gaur egun hilda dagoela.[3]
1976an Nagisa Oshima zinema zuzendariak Ai no korīda (Zentzumenen inperioa) filma egin zuen bere ospea mundu osoan zabalduz.
Bibliografia
- Abe, Sada (1948). Memoirs of Abe Sada: Half a Lifetime of Love (阿部定手記―愛の半生 Abe Sada shuki – Ai no hansei), 1998, Tokyo: Chuokoron sha. ISBN 978-4-12-203072-5.
Erreferentziak
Ikus, gainera
- Ai no korīda (Zentzumen inperioa)
Kanpo estekak
- (Portugesez): Sada Abe
