Soinujolearen semea (filma)
Soinujolearen semea 2018ko Fernando Bernués gipuzkoar zinema zuzendariaren film dramatikoa da, Bernardo Atxagaren izen bereko eleberrian oinarrituta dago.
| Soinujolearen semea (filma) | |
|---|---|
| Jatorria | |
| Argitaratze-data | 2018 |
| Izenburua | Soinujolearen semea |
| Jatorrizko hizkuntza | euskara gaztelania |
| Jatorrizko herrialdea | Espainia |
| Ezaugarriak | |
| Genero artistikoa | film dramatikoa |
| Iraupena | 90 minutu |
| Kolorea | koloretakoa |
| Deskribapena | |
| Oinarritua | Soinujolearen semea |
| Zuzendaritza eta gidoia | |
| Zuzendaria(k) | Fernando Bernués |
| Gidoigilea(k) | Patxo Telleria |
| Antzezlea(k) | |
| Bestelako lanak | |
| Musikagilea | Fernando Velázquez |
| Argazki-zuzendaria | Gonzalo Fernández Berridi |
   | |
Abra Producciones eta Tentazioak ekoitzia, Patxo Telleriak gidoia moldatu zuen[1] eta Barton Filmsek eta Filmaxek banatu. Aurrenekoz Huelvako Zinema Iberoamerikarraren 44. jaialdian erakutsi zuten lana, 2018ko azaroaren bukaeran.[2] 2018ko abenduan ere aurre-estreinaldia eskaini zuten Durangoko Azokan. 2019ko apirilaren 5ean Giza Eskubideen Donostiako Zinemaldia ireki zuen.[3] Eta 2019ko apirilaren 12an estreinatu zen Hego Euskal Herriko zinema-aretoetan.[4]
2012an antzerkira eraman zuen obra Bernuesek, artean ere Patxo Telleriaren gidoi-moldaketarekin eta oraingo filmeko hainbat aktorerekin.[5]
Soinujolearen semea filma barrutik sortutako lan bat dela, ez dela kanpotik etorritako idazle edo zinemagile batek egindako lana azpimarratu zuen Bernardo Atxagak. Gertaerak, pertsonak eta gizartea Soinujolearen semea idatzi zuenean «barne-barnetik» deskribatu nahi izan zituela. Bernués zuzendariak ere hemengo jendea, bizimodua, lurra ikusi ditu liburuan.[6]
Grabaketako herriak
Ultzaman grabatu zituzten Kaliforniako rantxoko irudiak, Beran eta Lesakan Obabako hainbat eszena, Obabako hotelekoak Donostiako Miramar jauregian.[7][5]
Sinopsia
AEBetara joan zen bizitzera David eta orain hilzorian dago. Josebak, txikitako lagun minak, bisita egin dio eta horren bidez, bien iragana errepasatu da. Frankismoa, ETAn izan zuten parte hartzea, Gerra Zibilaren oihartzunak, tortura, traizioa...[8]
Aktoreak
- Aitor Beltránː David Imaz (heldua)
- Iñaki Rikarteː Joseba Altuna (heldua)
- Cristian Merchanː David Imaz (gaztea)
- Bingen Elorzaː Joseba Altuna (gaztea)
- Jon Tifeː David Imaz (umea)
- Ander Egiluzː Joseba Altuna (umea)
- Frida Palssonː Mary Ann
- Jose Ramon Argoitiaː Eusebio
- Eneko Sagardoyː Lubis (gaztea)
- Xuban Rodríguezː Lubis (umea)
- Joseba Apaolazaː Ángel Imaz
- Mireia Gabilondo: Carmen Zaldua Lasa
- Miren Arrietaː Teresa Gabirondo (gaztea)
- Clara Lópezː Teresa Gabirondo (umea)
- Alberto Berzal: Juan Zaldua Lasa
- Laia Bernuésː Virginia
- Asier Hernandezː Marcelino "Berlino" Gabirondo
- Xabier Perurenaː Ubanbe
- Mikel Losadaː Jagoba
- Mónica van Campenː Geneviève
- Haritz Morrasː Agustín
- David Pinillaː Degrela
- Saioa Larrañagaː Sara
- Laura de Franciscoː Liz
- Carlos Zabalaː Tenientea
- Alfonso Torregrosaː Polizia 1
- Pako Revueltasː Polizia 2
- Anke Mollː Ameriketako ikaslea
- Aizpea Goenagaː Medikua
- Amaia Lizarraldeː Harreragilea
- Vitor Rogadoː Maestra
- Joanes Tovarː Mutiko 1
- Imanol Mugicaː Mutiko 2
- Mikel Aranburuː Opin
- Patxo Telleriaː langileburua
- Josean Bengoetxeaː Hoteleko bezeroa
- Ander Vildósolaː Guardia Zibila
- Ylenia Bagliettoː Lina
- Eriz Alberdiː Soinujolea
- Eneko Arcas: kontalaria
Erreferentziak
Kanpo estekak
- Filmaffinity
- Filma Internet Movie DataBase-n
- Filma ICAA katalogoan
- 'Soinujolearen semea' filmaren klip bat primizian, eitb.eus-en EITB 2019-03-19
- Elkarrizketa Bernardo Atxagarekin Euskadi Irratian, Faktoria programan, Maite Altunarekin.
Kanpo estekak
Datuak: Q59576104
