Xie Siyi
Xie Siyi (txinera sinplifikatuz: 谢思埸, Shantou, 1996ko martxoaren 28a), 2020ko Olinpiar Jokoetan urrezko bi domina lortu dituen tranpolin jauzilari txinatarra da. Munduko txapelketatan lau urrezko domina eskuratuak ditu.
| Xie Siyi | |
|---|---|
| Bizitza | |
| Jaiotza | Shantou, 1996ko martxoaren 28a (28 urte) |
| Herrialdea |  Txinako Herri Errepublika |
| Bizilekua | Pekin |
| Jarduerak | |
| Jarduerak | jauzilaria eta igerilaria |
| Pisua | 68 kilogramo |
| Altuera | 170 zentimetro |
Kirol ibilbidea
10 metrotako plataforman hasi zen lehiatzen Chen Aisen bikote zuela, baina, 2012an izandako lesio larri baten ondorioz, tranpolin probetan lehiatzea erabaki zuen.
2015eko Munduko txapelketan, metro bateko tranpolinean, urrea irabazi zuen, eta, taldekako proban, brontzea eskuratu zuen. 2017an, 3 metroko tranpolinean, txapelduna izan zen berriz, eta, jauzi sinkronizatuan, bigarren egin zuen Cao Yuan herrikidearekin batera.[1] Hurrengo urteetan, kide bera izan zuen jauzi sinkronizatuan, eta, 2018ko Munduko Kopan eta 2019ko Munduko Txapelketan, txapeldun izan zen proba bietan.[2][3]
Tokioko Olinpiar Jokoetan ere, urrezko dominak lortu zituen bakarkako saioan[4] eta sinkronizatuan, oraingoan Wang Zongyuanekin[5]. Bakarkakoan, 85 puntutik gora egin zuen bere sei jauzietan, eta 558,75 puntu eskuratu zituen, errekor olinpiko OE berria ezarriz[6].
Palmaresa
| Udako Olinpiar Jokoak | ||
|---|---|---|
| Txapelketa | Domina | Kategoria |
 Tokio 2020 |  | 3 m tranpolina |
| | 3 m sinkronizatua | |
| Munduko txapelketak | ||
| Txapelketa | Domina | Kategoria |
 Kazan 2015 | | 1 m tranpolina |
 | Taldekoa | |
 Budapest 2017 | | 3 m tranpolina |
 | 3 m sinkronizatua | |
 Gwangju 2019 | | 3 m tranpolina |
| | 3 m sinkronizatua | |
| Munduko Kopak | ||
| Txapelketa | Domina | Kategoria |
| Wuhan 2018 | | 3 m tranpolina |
| | 3 m sinkronizatua | |
